[جميل مساعد]

اليكم المشاركه : النص بدون مقدمات :

قصايد على المنكوس جزلات وسمانـي=قصايد غرام وشـوق وأحـلام ورديـه
واذ جيت ابوصف من ذهب زين الأثماني=جمالٍ طبيعـي والشقـا عيـن بحريـه
عيـونٍ تهـز الشـوق تآمـر وتنهانـي=مثل مايهـز الغصـن بالـدوح قمريـه
وقل الربيع اللـي لـه سنيـن ماجانـي=يمـر الديـار اللـي شمـال السعوديـه
يسلم على ريميـة القلـب مـن شانـي=رشيـدي وقلبـه عاشـقٍ لـه رشيديـه
ولا يالعذول اللي علـى البعـد تحدانـي=معاليق قلبي فـي هـوى حـب ريميه
يطير الحمام اللي تعلى عـن أغصانـي=يوصـل رسايلنـا علـى العـز منقيـه
يجوب الديار وخاطـري منـه مايعانـي=وأنـا بنتظـاره يالله ترجـعـه لـيـه
أحبـه وحبـه واصـلٍ حـد الأدمانـي=بقلبـي وأقـول أن الغـلا زايـد شويـه
هواجيس فكـري والهواجيـس تنعانـي=على اللي مكانه فـي شمـال السعوديـه

شعر : جميل مساعد الرشيدي(غريب الشمال)

الموضوع الأصلي: المشاركه بالمسابقه..وبالله التوفيق.,, | | الكاتب: جميل مساعد | | المصدر: شبكة بني عبس

[ميلاس]

صح لسآنك .. وبالتوفيق ..

[جميل مساعد]

شكرااا ميلاس ..شكرررررررر جزيل لاتستحقه الا ميلاس

[خالد القصاني]

صح السانك الشاعر جميل مساعد قصيدة غزلية في قمة الروعه والجمال

[جميل مساعد]

بيض الله وجهك ولاهنت شاعرنا خالد القصاني

[عنتر زمانه]

بمنتهى الروعه والجمال هذه القصيده

فالبحريه أعتقد أنها نوع من أنواع الطيور وهي الشيهانه واصفآ الشاعر عيون محبوبته بها ومن الحب والجنون أن الشاعر وضح أسم من يحب وقبيلتها وليّ تحفظ بالاختلاف رغم أن جبر عزاي بهذا التحفظ تأكيد العفه والحب الشريف .

صح الله السانك

[الضرغام]

صح السانك
ابيات رائعه تحكي عن الوصف والاعتزاز
بتوفيق

[أمـــير بـكلمتي]

صح لسانكـ

موفق خير