[يجيني طاريك]

أعود اليكم بهذه القصيده الجديده التي اتمنى ان تنال اعجابكم

على طاروق خلوها بديت القاف والابيات=أبنظمها قصيده طرقها طرق الهجينيه
مابين الصبر ومكابر جروحي معركه بسكات=بدون انذار قامت تطحن بالبال عصريه
على ريع الغلا اللي كنت ازوره فيه وقت(ن) فات=مداهيل الغرام وملتقى قلبين مبليه
مضارب كانت لوصل القلوب الهايمه هيهات=وروضن فاح عطر الود منها وأزهر بفيه
رسمنا أحلامنا فيها على الامال بالجايات = على صم الصخر حرفين منحوته ومقريه
وعفى الله عن عيونن كم تحلوت والجفن مابات=الى غفت تضمه طيف وتعود شقاويه
هنوفن لامشت تختال والطله لها هيبات=مثل هيبة زعيمن لاتعدى ياخذ تحيه
عطتني من عسلها سم ذقته باخر القطرات=على بالي رحيق الورد زايد بالحلى شويه
جزاي اني عطيته روح ملكه وأسعد اللحظات=أحسبنه عديل الروح وحده ماأنخلق زيه
ولكن للأسف طاحت حصاته وأنولد مامات=شموخي وارتفع راسي ولاعضيت صبعيه
تركته والالم شلته بصدرن يشكي الآهات=وترك جرحه بقلبي واضحن بالجفن ماريه

وسلامتكم

الموضوع الأصلي: ريع الغـــــلا جديدي لكــــــــــــــــــم | | الكاتب: يجيني طاريك | | المصدر: شبكة بني عبس

[المحيط الهادي]

ما بين الصبر .. ومكابر جروحي معركة بسكات

يجيني طاريك . . لقد جيئتنا بدره مصونة من الدرر
التي لا يمتلكها الا شاعر بحجم ومكانة ( يجيني طاري )

صح لسانك أخي العزيز ولك شكري وتقديري ,,

[محمد الراشد]

بصراحه انت شاعر منت بسهل,,
واسلوبك منفرد
لك تحياتي

[شيخه بنت شيخ]

صح اللسانك اخوي يجيني طاريك
وبيض الله وجهك قصيده رائعه وجميله

[برق الوسم]

يجيني طاريك
صح لساااانك ..
قصيده رااائعه .. سجل أعجابي لاهنت ..
تستاااهل الختم .. ولك تحياتي

[ابو بيان]

صح اللسانك وعلا شانك والشعر ليس غريب عليك انت شاعر ولد شاعر وتقبل تحياتي اخوك ابو بيان وفقك الله وتقبل مروري

[يجيني طاريك]

المحيط الهادي
محمد الراشد
شيخه بنت شيخ
ابوبيان
تشرفت بمروركم
وسعدت بأشادتكم التي تضيف لي الشي الكبير
لكم مني كل الشكر والتقدير

[يجيني طاريك]

برق الوســــــــــــــم
صح الله قلبك
لاهنت ولاهان مغليك
تبقى أشادتك شهادة لي ودعم كبير
لك من جزيل الشكر والتقدير