[مشعل النون]

السلام عليكم ورحمة الله وبركاته

مساء الخير ... صباح الخير

يشرفني اني اكون هنا في شبكه عبس
بين ربعي واهلي

واهديكم هالمتواضعه وارجو ان تنال اعجابكم

زوايا الظلام

عذري مسافه والاول مايشوف الاخير
.................. وشوقي مصابيح بانتفي زوايا الظلام

قلي شسوي لاصار اللي بصدري كثير
.................. بعض الاحاسيس ماتوصل بكل الكلام

انا اعتقد جبت معنى في عيوني كـــبير
............... يوم انتثر دمع صبري مثل سرب الحمام

رفرف جناح الوصل لكن عـــيا يطــــير
................. ماله من الوصف غيرك ياجناح النعام

مليت طرد السراب اللي بهيئه غـــــدير
..................... متى على الله تصدق ياثقيل الغمام

الحق على مابقابي ايه مـــــاني بخــير
.................. فيني مشاريه وحقوق وضياع وملام

الحظ قصر ولادري وش يكون المصير
................... والعمر مابيني وبيني عليه السلام

عطني امل اقدتيبه لو يطول المــسير
...............عشان اعيش الالم لعيون مسك الختام

اوعدني بخير وانا وعدك مهما يصير
......... افرش لك الارض طول وعرض برد وسلام

شاعر وشعري عكس عمري وعمري صغير
................... لي جاه بالشعر وبغيره وليه مقام

اشابه العز ولاجهل حقوق القصير
.................. سموي الطيب والأخلاق والحترام

مابالغ ان قلت صوتي للمبادي سفير
............ وفكري بلد شعبه الابداع حسب النظام

ماقول مالي على وجه البسيطه خشير
............. اقول واضح ولي مبداي رغم الزحام

عديم وصف ومعاني الشعر فيني تحير
.............. نضيف نيه وقلب وفالشدايد حزام

اخاف فعل الحرام ولا اهاب المصير
........لو فالضروره على المسلم يحل الحرام

والصمت في بعض الاشياء يمكن يكون خير
........ والخير وجه الرضا والفعل غير الكلام

مشعل النون

الموضوع الأصلي: مليت طرد السراب الي بهيئه غدير... | | الكاتب: مشعل النون | | المصدر: شبكة بني عبس

[سالم الرشيدي]

حياك الله مشع ـل النون
و
صح الســانك واع ـتلاشأنك
ج ــزله واافيه
لاهنــتــ مشــعل

[محمد الراشد]

اخاف فعل الحرام ولا اهاب المصير
لو فالضروره على المسلم يحل الحرام
مشعل اول شي يامرحبا بك

قصيده تميزت بالجزاله الذي لا يجيدها الا مشعل النون

صح بدنك يامبدع

[صابر]

مشكوووووووووور الله يعطيكم العافية

[مداروفلك]

والصمت في بعض الاشياء يمكن يكون خير
والخير وجه الرضا والفعل غير الكلام


يامرحبآ وهلآ وسهلآ وحياك الله
وصح الله السانك على القصيده الرائعه

ويعطيك العافيه ولاهنت....

[كاتب الرشيدي]

حيا الله شاعرنا العذب
وابرك الساعات

تواجدك بيننا

وهذا شرف كبير لنا

شاعر جزل وماجيت به جزل

مليت طرد السراب اللي بهيئه غـــــدير
..................... متى على الله تصدق ياثقيل الغمام

نسخي هذا البيت للأختصار
والإ القصيدة احترة بعذوبة ابياتها

مرة آخرى مرحبا بشاعر المليون اخونا مشعل

[رشيديه و أفتخر*]

صح السااانك شاعرنا
دااائمآ مبدع
ربي يعطيك العااافيه .

[برق الوسم]

شاعرنا / مشعل النون
حياك الله وابرك الساعات تواجدك بيننا ...
وصح لسانك ..
وتقبل خالص الود والتقدير ...