[عطاء الرشيدي]

هذي قصيدة سمعت احد الابيات من الاخوان وأصريت اني اجيبها ،، وفعلا طلعت تستاااهل ،،


والبيت اللي سمعته هو اخر بيت بالقصيدة ،،



محتاج لك بأدفّـي يدينـي مـن ملامـس يديـك

هالثانيه بالضبـط مـا أظـن الشعـور يفوتهـا
عندي قصيده ودّها من خالص إحساسـي تجيـك
حتى معانيهـا تبـي تاصلـك .. قبـل بيوتهـا
قصيـدةٍ يرجـع سبـب تركيبهـا منـك وإليـك
وانت تعرفهـا مـن ملامحهـا وبحّـة صوتهـا
ياللي بديتك شوق كيف أشـواق قلبـي تنتهيـك
وأحـلام عمـري لا فقدتـك ترجـع لتابوتـهـا
إي والله أحبّك ولا زلت أعشق وصالـك وأبيـك
وفي خاطري لك هيبة ملـوك العـرب ببشوتهـا
لا جيت أبشكي لك رجعت وقلت وشلون أشتكيك !
وأسكت لو إن جروح قلبي مـا تطيـق سكوتهـا
كم لي وأنا أنادي عليك آمال عمـري وأحتريـك
وكم لك تجيب أعذار من زرق البحـور وحوتهـا
مع كل هذا .. والله إنـي مشتريـك وبأشتريـك
وأحسد عليك أهـل الريـاض وجوّهـا وبيوتهـا
لا تكثر ظنوني عليّ .. وتكثـر ظنونـك عليـك
نفسي فراقك ضيـم حالتهـا .. وقربـك قوتهـا
أموت لك \ أموت منك \ أموت معك \ أموت فيك
ضع خط .. تحت الموته اللي تعجبـك وأموتهـا

وسلاااااامتكمـ ،

الموضوع الأصلي: لا جيت أبشكي لك رجعت | | الكاتب: عطاء الرشيدي | | المصدر: شبكة بني عبس

[محمد الراشد]

أموت لك \ أموت منك \ أموت معك \ أموت فيك
ضع خط .. تحت الموته اللي تعجبـك وأموتهـا

اي والله تستاهل
شكر لك

[فضي البراك]

رائع مانقلت ..

شكرا ..

[نواف بن مفضي]

قصيـدةٍ يرجـع سبـب تركيبهـا منـك وإليـك
وانت تعرفهـا مـن ملامحهـا وبحّـة صوتهـا
صح الله السانك

[بدر بذر الرشيدي]

صح اللسانك

[عطاء الرشيدي]

اشكر كل من مر وقراء موضوعي
كل الشكر لكم

[نبيل العرعري]

صـــح لسانك

[عطاء الرشيدي]

منور في مرورك
اخي/ نبيل