[رشيدي كويتي]

السلام عليكم ورحمة الله وبركاته

يا بني عمي استفسار بسيط انا بروح السعوديه بروحي وابي اسكن بروحي لمدة ستة شهور بسألكم بخصوص اماكن الرشايده هناك عشان اكون قريب منها وشنو الاحسن لي في اي مكان بالمملكه لمدة ستة شهور فقط لا غير فهل من مجيب

الميزانيه ولله الحمد تكفيني والحال بأفضل حال ولله الحمد

فهل من رشيدي يقدر يفيدني سواء هنا او عبر التلفون

ان كان بالتلفون ارجو ارسال رسالة خاصه بالرقم والاسم وسوف اقوم بالاتصال

احتمال الوصول في نصف شهر 3 القادم

مع جزيل الشكر يا بني عمي والشكر موصول لجميع القبائل

رشيدي كويتي

الموضوع الأصلي: رشيدي يبي الفزعه بإستفسار فهل من مجيب!! | | الكاتب: رشيدي كويتي | | المصدر: شبكة بني عبس

[حــزام]

وعليكم السلام ورحمه الله وبركاته

مرحبا فيك ملياار بالسعوديه

بالنسبه للرشايده بكل مكان بالسعوديه بتحصل رشايده ماعليك

بس اخوي انت ماحددت المنطقه الي بتسكن فيها ، ؟

[سيف المهيمزي]

هلابك يالبناخي ارحب
اخوي حدد مكان السكن بالسعوديه وبني رشيد بكل مكان

[رشيدي كويتي]

اي منطقه مأمونه بالنسبه لي بروحي وللعلم المملكه كلها مأمونه

ولا قصور بأمن المملكه ولا بأهلها لكن انا بروحي اهم شي ابي الكثافه السكانيه وماتحس بالغربه بروحك

ماعندي مشكله لو الحفر او القصيم او الرياض او الشرقيه او جده او مكه او خميس مشيط او حتى لو تبي عرعر

المهم منطقه مأهوله بالسكان والمجعمات التسويقيه وراحة البال

وشكرا لك لتفاعلك السريع

اهل المملكه ما يخيب فيكم الظن لا للبعيد ولا للقريب

عز الله المملكه بعزكم وعزكم الله بعز المملكه

شكرا

[حــزام]

دامك تبي مولات وطلعات وروحات وجيات ووناسه
افضل لك تروح المنطقه الشرقيه وبالتحديد الخبر

مدينه حلوه وكل شي متوفر فيها وعلى بحر ، افضل مدينه اشوفها لك

واي استفسار الله يحييك

[رشيدي كويتي]

جزاك الله خير ياخوي حزام انا ما اقصد طلعات ووناسه انا اقصد يعني مأهوله بالسكان والمجمعات يعني منطقه ماتنام من المقاهي والمجمعات

ومليون نعم بالشرقيه والله اني ادزاد شرف ان رحت لهم هناك رجال ولا كل الرجال ولا قصوراً بأهل المملكه الباقي

كم تكلفة الايجارات لغرفه وصاله او ستديو او شقه بعرف الاسعار واحسب الميزانيه ان كان لك علم بأسعار الشرقيه

شكرا
واسف على ازعاجكم تقبلو تحياتي

[حــزام]

ايه اخوي رشيدي كويتي
الشرقيه تصلح لك

بس ما ادري عن اسعار الايجارات بس فيه اعضاء كثير هنا من اهل الشرقيه يقدرون يفيدونك
وموفق خير ياررب

[رشيدي كويتي]

اعزك الله اخوي العزيز

ومشكور على الافاده الجزيله جعلها الله في ميزان حسناتك

وننتظر من الاخوان الافاده

شكرا