[يوسف الصامل]

حبيب العازمي





يامرحبا ترحيبةٍ تنحت مـن جبـال السـراه
الي على الطايف مطلـه والهـوا مـا هدهـا
قولوا لمستور العصيمي ينتبه يرفع عصاه
ام الكبايـر دمعهـا مـن عينهـا فــي خـدهـا



مستور العصيمي




دام البقى يالشاعر الي يلحق الشاعر هواه
مديـت لـك يمنـاي يمنـاك الكريـمـة مـدهـا
يالعازمي لا تشتقـي بالحـب دورنـا رحـاه
وام الكباير خلها عنـدي وانـا العـن جدهـا



حبيب العازمي




ياعد يـا هـداج الـي يـروي الحجـاج مـاه
الله عطانـي قــوةٍ عـطـاك قبـلـي ضـدهـا
هذا خطا والمخطي المسؤل يتحمل خطاه
انت تلبس لـك رجـال ثيـاب ماهـي قدهـا



مستور العصيمي




ترا العصيمي لو شرب له بحر ما يقطع ضماه
دوبـــك تـلـفـت يـاحـبـيـب لـلـنـجـوم وعــدهــا
الــي يـصـيـح لـلـعـرب دون الـجـبـل ولا وراه
ياصاحبـي يالعـازمـي هــات العـلـوم و ودهــا



حبيب العازمي




حنا ترانا ما نحسد الرجال يوم الله عطاه
وحقوقـنـا حامينـهـا ود الـعـدا مــا ودهــا
الي يصيـح للعـرب صيّـح وبـد الله خفـاه
يكـد راس الجاريـة والمشـط عيـا يكدهـا



مستور العصيمي




الي يخاف الله يزكي المال في وقت الزكاه
بالله قـــل الـــي بــنــاه لا يــزيــد يـهـدهــا
المسلم المغرور مالـه لا صيـام ولا صـلاه
راع العيون الحول في الجيران ليش يلدها




حبيب العازمي




العام البيت الفقـر جـاه المـال مـن بيـت الغنـاه
واليـوم بيـت الفقـر يـازن صاعهـا فـي مـدهـا
كيف المريض الي على الدكتور مشروط دواه
يصـحـي مــن الغيبـوبـة الــي تـاخـذه لابـدهـا



مستور العصيمي




المعطـي الله مـا ترجيـنـا البخـيـل وعـطـاه
ونقول يا بيت الكرم عش الضيوف وغدها
ياصاحبي يالعازمي صاحبك عالٍ مستـواه
اهـرج واهـرج مـعـك والــي تبـاهـا بـدهـا



اتمنى ان تنال على اعجابكم

الموضوع الأصلي: طاروق حامي بين حبيب العازمي ومستور العصيمي | | الكاتب: يوسف الصامل | | المصدر: شبكة بني عبس

[خاتم سليمان]

يسعدني ان اكون اول عضو يرد على موضوع ثقيل الوزن في محتواه


يوووووسف الصاااااااااااااامل


الله يعطيك ألف عافيه ع هذا النقل والذوق الرفيع والاختيار الموفق


وإن شاء الله نشوفك في مواضيع اخرى شيّقه مثل هذه المواضيع


لاهنت ع الأبداع بالنقل ياالغالي


تقبل تحياتي


خاتم سليمان

[المشعل]

يعطيك العافيه يوسف الصامل

محاوره رائعه بين شعراء غنيين عن التعريف

لاهنت على النقل الجميل

تحياتي لك

[عويض بن شامان بن خلف]

يعطيك العافيه يوسف الصامل

محاوره رائعه بين شعراء غنيين عن التعريف

لاهنت على النقل الجميل

تحياتي لك

[(*العرعري*)]

يعطيك العافيه يوسف الصامل

[بن قنور]

يعطيك العافيه يوسف الصامل

محاوره رائعه بين شعراء غنيين عن التعريف

لاهنت على النقل الجميل

تحياتي لك

[.:.سعودي.:.]

مشكوووووور والله يعطيك الف عافيه

[ناصر الخياري]

صح صح لسان مستور وحبيب ..
تسلم يايوسف نقل رائع ..