[وحيد]

عـلام قلبـك يفـز ان شفـت مرسالـي **** وعـلام عينـك تغـرغـر يــوم تذكـرنـي
اليـوم يعنـي انـا جيتـك علـى البالـي **** الله يـا طيـب قلـبـك كـيـف يغمـرنـي
شو اللي يهمك تغث الناس و تسالي **** وشو اللي تبـي تعرفـه بالضبـط خبرنـي
تقول غالـي انـا مـا عـدت لـك غالـي **** وش فايـده هالغـلا وغيـري يشاركنـي
ان كنت ترضى انا مرضى على حالي ****ما عدت انا املك و لا انت عدت تملكني
خـل الجـروح اتعافـى و خـل غربالـي **** انــا اتحـمـل خـطـاي و لا تخبـرنـي
بعيش دونـك مثـل مـا الوقـت يحلالـي **** ولا راح عينـك بعـد هاليـوم تنظرنـي
الا ان سمعت القصيد و صوت موالي **** لا تحسبـه فيـك قلتـه و فيـك يجبرنـي
هـذاك و قتـك وروح يـوم تطرالـي **** تذكـر تـقـول اطلـبـك و اقــول آمـرنـي
خل الذي صار بك هايم و بـك سالـي *** يكتـب لـك اشعـار ليـن اتقـوم تنكرنـي
مـع السلامـه يـا قصـه مالهـا تالـي **** الله يريـحـك فــي غـيـري و يريحـنـي
بـس اطلبـك قبـل اروح شـل مرسالـي **** مابـي عيونـك تغرغـر يـوم تذكـرنـي

الموضوع الأصلي: علام قلبك يفز | | الكاتب: وحيد | | المصدر: شبكة بني عبس

[عبدالرحمن هليل]

صح لسانك ياوحيد

[(ابوعواض)]

وحيد اهنيك علي الذووق

مشكور ويسسلم راسسسك

[وحيد]

الله لايحرمني من ذووووقكم
حياكم الله