[نايف العجوني]

هذي المحاوره جرت بين الشاعرين

ذيب العمودي وثويمر العجوني

موال

ثويمر العجوني

اناوانت بالميدان ياذيب = بحفلة رجال العز والطيب

رجالن على الطيب متواصين= هذا طبعهم ماهي غريبه

رجالن على الطيب متواصين= هذا طبعهم ماهي غريبه

طموحك طموحك للملايين = اثر نظرتك ماهي قريبه

ذيب العمودي

اناوانت لكن راشد رشيد = يعادل كثير من القواصيد

في يوم الثلاثاء والا الاثنين=الانسان ماله عن نصيبه

في يوم الثلاثاء والا الاثنين=الانسان ماله عن نصيبه

بعضكم مثل روس البعارين= تجامله لكن تبتليبه

ثويمر العجوني

بغاء الجائزة ذيب العمودي =وجوله قويين الجهودي

خذوها على ذيب القحاطين =وانا احسبه مايرضاء الغلايبه

خذوها على ذيب القحاطين =وانا احسبه مايرضاء الغلايبه

ترانا رجومن للشياطين = كلام ٍ مايجزي وش تبيبه

ذيب العمودي

تراى الفوز يعني علم وخلاق = ولافوز في تجميع الاوراق

اذا الدعم ياتي بالكراتين= تفوز الكديشه والهليبه

اذا الدعم ياتي بالكراتين= تفوز الكديشه والهليبه

الايا سفير الصين ياصين= تضايقت من نقل الحقيبه

ثويمر العجوني

تراى الفوز جاء حظ ابن زهره = وجاله بهاك العام شهره

لون ألك عم من الخيارين= لياء ضاق صدرك تعتزيبه

لون ألك عم من الخيارين= لياء ضاق صدرك تعتزيبه

تراني سفيرن للحرامين = يابو عيب مافتش بعيبه

ذيب العمودي

خذيت الشهادات الوثيقه = اذكان تبغون الحقيقه

اذا فيه لذكرى مضامين= خذينا شهادات ٍ عجيبه

اذا فيه لذكرى مضامين= خذينا شهادات ٍ عجيبه

الشوف الجنايز والجثامين= نصيبه تميز عن نصيبه

ثويمر العجوني

شهايدك ماتنفعك ياذيب = وحطتك من بين السراديب

شهايدك ماتنفعك هالحين= بعد طحت من راس الجذيبه

شهايدك ماتنفعك هالحين= بعد طحت من راس الجذيبه

الموضوع الأصلي: محاورة ذيب العمودي وثويمر العجوني | | الكاتب: نايف العجوني | | المصدر: شبكة بني عبس

[ناصر الخياري]

تسلم يانايف..
صح لسان الشعاار مبدعييين ...

[قسورة الغاب]

تسلم تسلم يانايف
وصحت السنة الشعار

[البعيد الهادي]

صحة السنتهم جميع
مبدعين
ولاهنت يااانااايف

[(*العرعري*)]

اخووووي نايف
لاهنت على النقل المميز
وصح السنت الشعار
ولاهنت اي محاورة تحب تنقلها
اكتب موضووعك بقسم المحاورات المنقووله

واسمح لي بنقلها لمكانه الصحيح

[فهد محمد]

سلمت يداك على النقل
شعراء مبدعين

[نايف العجوني]

اشكركم جميعا ًعلى هذا المرور المشرف

ويعطيكم الف عافيه على الردود الطيبه

[بدر حيي]

صح لسان الشعار لاهنت يالغلا