[عقيد المدرهمات]

حياكم الله تحية طيبة ومعطرة بأجمل أنواع العود والعطور

نتمنى من الأعضاء ذكر ما حصل لهم في أول أيام العيد السعيد ،، ويا سلام لو بطريقة غير تكلفية وسهلة وفكاهية

وكل عام وأنتم بخير ،، وسعادة ،، وعافية ،، ورضى وتوفيق


العلم وسلامتكم

أعلن الديوان الملكي بعد صلاة المغرب العيد ،، والحمد لله على كل حال ،، عاد بديت الأستعداد ، بس طال عمركم رحت للحلاق ،، الله لا يوريكم زحمة زحمة حييييييل

والأسعار يوووووه فوق فوق ونار

المهم أخذت ساعتين وأنا عند الحلاق ،، رحت البيت وأخذت غفوة بس ساعتين

صلينا الفجر بالحارة كل واحد مشخص وكاشخ حتى الصغار ماشاء الله عليهم

وأخوينا اللي ليلة العيد اللي عمرهم فوق الخمسين ،،،يا سبحان الله !!! في صلاة الفجر كأن أعمارهم ثلاثين أو أقل تغيرو والرزات ،،،ياولد بس ....

بما أنا بالمدينة رحنا وصلينا بالمسجد النبوي الشريف ،، عالم يا ماشاء الله ،، ومرور وتنظيم سير ولبس أنوااع وأشكال ، وطلعت عندنا موضوت الثوب الأزرق الفاتح ،، اللي كنه ثوب تنويم بالمستشفى !!!!!! هخخخخخخ

صلينا ورجعنا للبيت ،، والقهوة والشاي والحلاو وخبز الصاج مع السمن ،، أنعام نحمد الله

رحنا بعدها لبيت عمي لأنه أكبر من الوالد وضرب الفطور عنده حول الساعة ثمان ونص مفطح ،،،،،، فطور مفطح !!!!!!!!!!

وعاد مشينا على الجيران وأهل الحارة ،، وأنواع الوناسات

بس ياأطوال الأعمار جت الساعة حول 11:30 ،، وبداء العد التنازلي للجميع

وتعلن العيون أنها ترامش وأن كل واحد يدور الفراش ،،، يبي النوم

يارب يالله صبرنا لين يذن الظهر ونصلي ونطقها نومه بس

صلينا وحطينا روسنا

اذن العصر صلينا وحطينا روسنا

اذن المغرب وصلينا وهكذا ينتهي مسلسل النوم لهذا اليوم

وإلى هنا أنتهى أول ايام العيد السعيد ،، وباقي الأيام الجايه أن شاء الله

ــــــــــــــــــــــــــــــــــــ

وننتطر اللي كمل من بعدي ،،، وأقوله هات علومك وعطنا سوالفك وش سويت بالعيد

الموضوع الأصلي: وش سويت بالعيد ؟؟ | | الكاتب: عقيد المدرهمات | | المصدر: شبكة بني عبس

[الغريبة]

.انا الفجر كنت بالمنتدى اقرقر ..
ونمت ساعتين ..
والساعه 6 ..
تكشخت وباركت لامي وابوي عشان العيديه هههههههههههه
ورحنآ البيت العود " بيت جدي " ..وتجمعوووآ العايلة الكريمة وسلمنآ عليهم وبعدين مرينآ باقي قرآيبنآ وردينآ للبيت العود تغدينآ ومشينآ للبيت والعصر عاد كل واحد يطلع لمكآن بحر سينمآ مسرح وبسسسسسسسس....
وتقبل مروووووووري ....

[صلاح المهيمزي]

موضوع مميز لازم نشاركك

لي باك

[شهاليل]

هلابك عقيدووه ..
انا ماانمت أبد ..
صليت العيد مع ابوي واخواني ..
ورجعت البيت لبست وكشخت وعيدت ع الاهل ..
وبعدها سيدا ع الاستراحه لين الساعه 2 بالليل ..
وبس ^_^

[زهرة اللوتس]

طبعا كنت موآآآآآآآآآآآصله ,,ونمت بعد صلاة العيد مباشرة<<<خخخخخ ماعندي وقت
وقمت الساعة 9 وجدتي وخالتي عندنا,,سلمت عليهم وكملت نووووووووم إلى الساعة 3
بس,,طبعا وبصراحة العيد مو مثل أول,,كل ماله ولونه يبهت,,ماأدري ليه إستغفر الله,,
عندي أفكار للعيد <<بس أحلم إن أحد راح يطبقها,,كان على طول للمشنقه,,,هههههه

[رعبوبة]

عقيد ميرسي ع الفكــرة الحلووووة..
انا والله سهرانة ماجاني النووم وسوولفت هوون ورحت صليت صلاه الفجر ورديت للمنتدى أبربر.. عقب تريقنا سويا مع الأهل,, و ع السآآعــه 11 ونص الضحى رحت نمت وقعدت الساعة 2 .. تغدينااااا ورحت أتجهز وأتلبس رحت لعمي أباركلة واعدني ويوم جيت البيت الا هو ناسيني وكاشت رايح لعمته هههههه فديتــه...
وعقب رحنا بيت خااالتو وقعدنا عندها شويآت.. ورحنا عند الجــدة وبربرنآ معاها ومع هذرتها شوي.. ونمنا بدري يعني 1ونص بليل..
ومن باااجر رحنا انا وخيوو وخواتي وبنات خالتي أخذنا عشآنا ورحنا قعدنا ع البحر ولمن خلصنا بننص سااعة رحنا كووفي نحلي(: وبــث هذا اللي صار بالعيــد..
أشكركـ فكرة كويييســة

[المزيونه404]

يسلمووووو ع الموضـــــــــــــوع
&
&
&
&
&
&
طبعاا أول يوم نرووح نبارك للأهل واول شىء بيت (( جدتي )) >>> أم أبوي
وبعدين بيت ((جدتي )) <<<<أم أمي

وطلعنا بالليل ع المطعم أنا وخوالي
وثاني أيام العيد في ( منتزه الشعب )
بس حسيت انه هالعيد بايخ
^
^
^
يسلمووو ع الموضوع ويعطيك العافيه

[(*العرعري*)]

عقيد المدرهمات اشكرك ع الموضوع
طبعا 80 بالمائه من الناس بيكونوا مواصلين
والله اني مداقش برشاشي عند قبر الرسول صلى الله عليهوسلم
مداقشين من 3 الفجر لين 8 الصباح وبعدها عايدت امي وابوي وعالغرفه نووووم لين اخر الليل وبعدها دجه بالسياره
واصلا العيد انتهى قبل 8 سنوات هههههه
والسنوات الاخيره هذي يوم تروح تعيد ع الناس قالوا اووووووه هذا وش عنده أكيد عنده بلاء ي ع ا ك س هههههههههههههههههه
وسبحان الله دايم يوم العيد بعد المغرب يكون الجووو هااااااادي هههه