[صالح المنصور]

للقاء حلاوته مع شبكة عبس لاسيما عندما تعانق حروفي ذائقتكم الكريمه
اسمحولي بتقديم هذه القصيده المتواضعه بين ايديكم
وتقبلو مني فائق الاحترام


[poem=font="simplified arabic,6,darkred,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]

لا حول من درب الهوا والمحبين = الله يعافينا ولا يبتليـــني
اثر الضحك بالحب ماهو علي الدين = واثر الضحك بأهل الهوا مايزيــني
لا تضحك الا من سخايا الكرمين = من شان ماتبلا مع المبتليــني
ياشيب عيني منك ياداعج العين = ماجابك الله غير قدام عيني
جالك حوالي حروة الاربع سنين = الصبح تبدي والعشيه تبيني
وشون ماحبك علي كل هالزين = الله علي هاك المحاجر يعيني
يازين عين خير انا شايف البين = لك نظرةً تلعب بحسبة سنيني
صوابها بالقلب مثل السكاكين = وشلون تجرح نظرتك علميني
هذا صواب العين وانتي تغظين = وشلون لونك بالنظر تلحظيني
روفي علي ساقك مدامك تمرين = ماهو بذنبي ان دربك يجيني
تقصرين خطاك والا تزيدين = مروي عيوني منك لو تحسديني
انتي جرحتي القلب وانتي تميلين = حلمك علي ساقك وحلمك بعيني
لا تسارعين خطاك ولا تهدين = تريحي نفسك ولا تتعبيني
مدري وش الي يصيبني يوم تبدين = يهب وش هالي عليكم يجيني
حبل الوصل مقطوع يازين نصين = لا تشاوري نفسك ولا تحسبيني
ماشيل حملي كيف ابا شيل حملين = ولا ني مخيب هقوة الطيبيني
لكن تريا كل ماقبلت يازين = لا تتعبي نفسك ولا تتعبيني

[/poem]اخوكم / صالح المنصور

الموضوع الأصلي: لا تضحك ..... ألا | | الكاتب: صالح المنصور | | المصدر: شبكة بني عبس

[سيف العز شلته]

يعطيك الف مليون عافيه على هذي الابيات الجميله والرائعه

يسعدني ان اسجل لك اعجابي وابصملك بالعشره

صح السانك يابطل

تقبل مروري البسيط

ودمت بصحه وعافيه

[برق الوسم]

الشاعر / صالح المنصور
صح لسانك قصيده رائعه
لاتحرمنا جديدك
تقبل مروري

[عويض بن شامان بن خلف]

صح لسانك قصيده رائعه
لاتحرمنا جديدك

[أثير الشوق]

ماشيل حملي كيف ابا شيل حملين
ولا ني مخيـب هقـوة الطيبينـي

تحياتي لك وصح لسانك على هذه القصيدة الرائعه
دمت بحفظ الرحمن ولا تحرمنا جديدك

[(ابوعواض)]

الله الله



ســلـآم ابدآع


ابيات كلها جميله

يسسسلم راسك

[عايض بن صالح]

صح السانك على هذه القصيده ياصالح منصور

[صالح المنصور]

صح ابدانكم لاهنتم
واشكر مروركم العذب وكلامكم الطيب
مع تحيات اخوكم / صالح المنصور