[طارق صالح الذيابي]

اول قصيده لي في المنتدى اتمنى ان تعجبكم
كما اتمنى ان تكون الخطوه الاولى في رحلة الالف ميل

(بعد الغياب)

بعد الغياب.... اوقفت رجلي على بابك=وانا الذي كنت احسب انك على خبري
مشتاقن لضمتك وارضاك واعتاااابك=وانا ادري اني لفيتك وانت ما تدري
ماجابني الا غلاك وكلمة اهلابك=اللي دفاها الى هالحين في صدري
اموت بك واندفن بالشوق واحيابك=واشوف بين الجفا ومواجهك قبري
لكن لي الله غيابي كيف سوابك..؟=كلك تغيرت لين اصبحت ما تغري
اثر عليك البطا والناس واصحابك=ونسيتني قبل اجيك وجاز لك هجري
جيتك... وانا كنت اعز اعداك واحبابك=جيتك وانا اللي ولهت ومت من صبري
جيت اكتب الشعر صفحه بآخر كتابك=وامسح على خدك ومصباحك السحري
شبيك لبيك... شعري غاب بغيابك=مدامك انت الوزن والقاف في شعري
والله..لرجع اذانك قلت وش جابك..؟=مدام منت الحبيب اللي على خبري..!!

........

وسلاااااااااااااااااااااامتكم

الموضوع الأصلي: بعدالغياب اوقفت رجلي على بابك...(واول قصيده ).. | | الكاتب: طارق صالح الذيابي | | المصدر: شبكة بني عبس

[محمدالذيابي]

لكن لي الله غيابي كيف سوابك..؟
كلك تغيرت لين اصبحت ما تغري

اثر عليك البطا والناس واصحابك
ونسيتني قبل اجيك وجاز لك هجري

قصيده رائعه من انسان رائع ومبدع

يعطيك العافيه أخوي طارق وبأنتظار المزيد والمزيد
من الابداع ؛ لاتحرمنا من ابداعك 000

أخوك محمد الذيابــي
00000000000

[بندر الذيابي]

صح الله لسانك ابو صالح


تناغم جميل بين مفردات القصيده


أبيات جميله ورائعه وصخب العتاب بنبرة المحب.


جيت اكتب الشعر صفحه بآخر كتابك
وامسح على خدك ومصباحك السحري

صح الله لسانك والله يعطيك العافيه


ابو صالح اول الغيث قطره

واتمني ان لا ينقطع هذا التواصل ونري جديدك كما وعدتنا.

تقبل فائق ودي وتقديري


اخوك

بندر الذيابي

[همس المشاعر]

بدايه موفقه وقصيده وافيه
أستهواني كثيراً فن العتب بأكثر من طريقه

============================
ماجابني الا غـلاك وكلمـة اهلابـك
اللي دفاها الى هالحين فـي صـدري

للذكريات دورها والعاشق مايلبث الا بالذكريات تطوقه

===============================

اموت بك واندفن بالشـوق واحيابـك
واشوف بين الجفا ومواجهـك قبـري

وصف حالة الشاعر بين الماضي ومواجهة المستقبل الغامض.

================================

والله..لرجع اذانك قلت وش جابـك..؟
مدام منت الحبيب اللي على خبري..!!

أستهوتني كثيراً خاتمة القصيده .


لله درك ننتظر نزق قلمك من جديد

[بنت العبسي]

طارق صالح

جيت اكتب الشعر صفحه بآخر كتابك وامسح على خدك ومصباحك السحري شبيك لبيك... شعري غـاب بغيابـك مدامك انت الوزن والقاف في شعـري والله..لرجع اذانك قلت وش جابـك..؟ مدام منت الحبيب اللي على خبري..!!

لا يسعني ان اقول شيء سوى سلم الله يداك

قمة المشاعر والاحاسيس الراائعة والتي تجلت في

عزف كلماتك ولحن معانيها :p تقبل مروري وتقديري

لروعة احاسيسك وقلمك الجميل

[طارق صالح الذيابي]

محمد الذيابي انت الاروع يابو حميد ومشكووووووووور على المرووور وتسجيل الحضووور
وماهو غريب علييك وبيض الله وجهك

[طارق صالح الذيابي]

بندر الذيابي كل الشكر لك يابوعوض ومشكور على جهودك والله ماقصرت وعاداتك الطيب ولا عدمناك

[طارق صالح الذيابي]

همس المشاعر..احساس شاعر اسعدني بتحليلك الاكثر من رائع ومشكوووووور وبيض الله وجهك