[الاجهر]

هذه قصيدة نصيحه للشاعر مرير الحبيل اعجبتني لما تحمله من معان ولكم الحكم عليها

ياقلب لا تثر عليه شطونك=اشقيت حالي في سعادتك ورضاك
لك مدة ياقلب كثرت لحونك=ولانيب والله داري عنك وش جاك
إن طعتني فالناس لايسمعونك=واسمع كلام محب لك يوم وصاك
ترى العرب في سجتك ينقدونك=واستح من العاقل ولو شفته اغلاك
ياقلب حب الناس لايبغضونك=واصبر على الجاهل اليامن تبلاك
ومطارد المقفين لايتعبونك=انسه مادام انه من القلب ينساك
الناس سايرهم ولو يزعلونك=واصبر على جارك ولو شفته اذاك
بالخير ملزوم العرب يذكرونك=واوزن قدم رجلك على قدرت خطاك
واحذر تجي في مجلس مايبونك=لو كان منهم واحد(ن)قام حياك
واتعب لفعل الطيب للي يجونك=وعامل عميل الطيب بالطيب لاجاك
واصبر على المقسوم والله بعونك=لابد ماتجري صواديف دنياك
واليا مشيت الدرب فتح عيونك=واسلك طريق الحق والرب ماأغواك

الشاعر مرير الحبيل

وعلى المحبه نلتقي

الموضوع الأصلي: واحذر تجي في مجلسٍ مايبونك | | الكاتب: الاجهر | | المصدر: شبكة بني عبس

[فلاح الرشيدي]

مشكور خالي على القصيد ه الرائعه مميز دائم
لك ودي وتقديري

[فهد العوضه]

منك الذووووووووووووووووووق
دائمــــــــــــــــــــــــاً
قصيده رائعه وجزله
تسلم اياديك يالاجهر
تحياتي

[ولد الشرقية]

صح لساان شاعرها
ومشكور ابو سعود على الطرح الراقي.

[خاتم الرشيدي]

نصيحه واقعيه الف شكر لك الاجهر على النقل والاختيار الموفق

وتقبل خالص الود والتقدير

[عايض بن صالح]

اختيار موفق يابو سعود وصح السان شاعرها

[احمد سبيتان]

صح لسان شاعرها وشكرا للك الاجهر على النقل الرائع

ذوق راقي وقصيده راقيه

[سالم المظيبري]

صح لساان شاعرها
ومشكور على الطرح الراقي.