[الاجهر]

تحقيق لطلبات كثير من الاخوة لطاروق الشاعر / عبدالله الاشرم والشاعر / سفلر الدغيلبي يسر شبكة بني عبس قلعة المجد والتاريخ ان تقدم لكم هذه المحاورة كتابياً والتى اقيمت بمناسبة حفل زواج فهد الرشيدي بالرياض بتاريخ 14-5-14230هـ ( باليخت )
البداية كانت عند ابو عمر
-----------------------
الاشرم

مرحبا باسم شيخ لادعا مايهون = يالله انك تقدر طيب قدرة \
ياسفر جوك مخلصين الديون = ودنا بالعلوم الى عليها اثمرة

سفر الدغيلبي

البقاء يصحيب الى يغني الحون = والحنه عايدي ما يتعب الحنجرة
مانعرفك يالاشرم غير بالتليغون = والتقينا بوجهك عقب طول ادورة

الاشرم
كل راس خلقة الله بين المتون = جعلك راسك يدوم ونطلب المعذرة
شد حيلك مع الميدان والمكرفون = لاتركز على صورتك بالمنظرة

سفر الدغيلبي
الغات السبع معها لغات العيون = والرشيدي من عيونه عرفت اخبرة
سلعة جابها الدلال عند الزبون = والسعي بربيعين وسومها بعشرة
الاشرم
من عيال الظهور ومن عيال البطون = كل رجال بطنه ماينوش اظهرة
خيم السوس مابين الجماء والسنون = لين راحت سنونك كنها المقبرة
سفر الدغيلبي
عن خشوم المدافع تكفي الساكتون = والعفو العفو يصلح مع المقدرة
علمو من يعاملنا بسود الضنون = مانشدنا عنه رجال ولا مرة
الاشرم
الدهر من تهاون فيه جعلة يهون = ياسفر ماتدوم ايامك المسفرة
انت تاكل طعام وخاشرتك الجنون = اذكر الله ورافق مسلم يذكرة
سفر الدغيلبي
يالحن بطي يازينك على نجد فون = قبل فن العبد والدبك والشوشرة
عاهدونا وحنا للعهد مانخون = وحفظ العهد هذا فوق غصن شجرة
لاشرم
انت خالك بطي مير العرب يجهلون = مير دور على النجار بالمنجرة
يالعطاوي عسى العتبان مايزعلون = مير علم سفر لايدخل المجحرة
سفر الدغيلبي
يابني عبس ماتجتكم على ماتبون = بعدها لاتحط السرج فوق بقرة
اشترو فلتر مضمون ولا بدون = اجماعاتكم يبغالها فلترة
لاشرم
ياعتيبة رجال الحيل فوق الصحون = شجرة الحنظلة ماتثمر العنبرة
لاتهاون طعون موسعين الطعون = مابقى غير ترقص رقصة المنقرة
سفر الدغيلبي
كبرة السالفه والناس ماينتهون = طالت مطاردات الصقر للحمرة
000000000000000000000

الموضوع الأصلي: 'طاروق 0سفر الدغيلبيى 0 والاشرم 0 | | الكاتب: الاجهر | | المصدر: شبكة بني عبس

[معلا المظيبري]

الله يعطيك العافيه يالجهر على نقل هذي المحاوره

وياليت لو كانت كامله وتقبل احترامي مع التقدير

[الاجهر]

اقتباس من مشاركة معلا المظيبري الله يعطيك العافيه يالجهر على نقل هذي المحاوره وياليت لو كانت كامله وتقبل احترامي مع التقدير

المحاورة كاملة بعد الدغيلبي غير الشيخي

[العقاد]

يعطيك العافيه اخوي الاجهر بيض الله وجهك ع النقل الجميل
موقعها قسم المحاورات المنقوله
شكراً

[فتى عبس]

الأجهر شكرا لك

ياليت من عنده المحاوره ينزلها باالمنتدى

[صقر ابن عبس]

يعطيك العافيه اخوي الاجهر بيض الله وجهك ع النقل الجميل

[العالم الفلكي]

الله يعطيك العافيه يابوسعود على النقل

[الاجهر]

اشكركم على المرور