[مرزوق العجوني]

قلـت الصراحـه .. قـالـو الـنـاس كــذاب=كـذبــت .. وسـمـونـي أمـيــر الـحـبـايـب


واجهـتـهـم .. لكـنـهـا ثـــارت أعـصــاب=جاملتهـم .. وأصبـحـت عـاقـل وصـايـب


عاندتهـم .. وأنفتـحـت بوجـهـي أسـبـاب=سايرتـهـم .. وأقـفـت هـذيــك السـبـايـب


فضحتهـم .. وأصبحـت مـذنـب ونـصـاب=ستـرتـهـم .. شـنــوا عــلــيّ الـحـرايــب


طلبتهـم .. وأنصـك فــي وجـهـي الـبـاب=عطيتهـم .. قالـو لـي يــا ابــو الوهـايـب


رفعتهـم .. وأرتفـعـت أرقــاب وأشـنـاب=نزلتهـم .. صـار أســود الــراس شـايـب

بنيتـهـم .. حـطـو لــي أســوار وحـجـاب=هدمـتـهـم .. قــالــو حــــرام الـخـرايــب


شديـت .. وصـار كلهـم ربـع وأصـحـاب=وأرخيـت .. وخـلـو حـبـل الأيــام سـايـب


أقبلـت .. وصـارو كلهـم دونــي أحــزاب=وأقفـيـت .. وصـــارو كلـبـوهـم قـرايــب


داويتهـم .. قالـو لـي الـجـرح مــا طــاب=جرحتـهـم .. قـالـو لــي الـجـرح طـايــب


حبيـتـهـم .. قـالــو لـــي الـحــب غـــلاب=كرهـتـهـم .. هـلــت دمـــوع وسـحـايــب


واصلـتـهـم .. لقيـتـهـم مـثــل الأجــنــاب=هجرتـهـم .. قـالـو لــك ايـــام غـايــب !!


رفعـت صوتـي .. كلـهـم صــارو أذنــاب=قـصـرت صـوتـي .. وابـتـدوا بالطـلايـب


غـيـرت شكـلـي .. قـالـو رائــع وجــذاب=رديــت شكـلـي .. قـالـو إنـسـان خـايــب


يـاقـلــب لاتــشــره ولاتــبـــدي عــتـــاب=خـــل الـعـتـب عـنــك وخــــل الـنـشـايـب


مافـيـهـم الـلــي يستـحـقـون الإعـجــاب=لــو شفتـهـم كتـلـة غـمـوض وعجـايـب


مــن لا أفتـهـم درس الليـالـي ولا تـــاب=يــمــوت مــــا يـفـهــم ولاهــــو بـتـايــب


ومادمت ساري والقمـر عنـك مـا غـاب=لاعـــاد تـوقــف لــــو تــثــور الـهـبـايـب


ما انت الوحيد اللي مشى الدرب مرتاب=غـريـب وتمـشـي فــي زمــان الغـرايـب

مما رااااق لي

الموضوع الأصلي: مادمت ساري والقمر عنك ماغاب | | الكاتب: مرزوق العجوني | | المصدر: شبكة بني عبس

[مذكر الرشيدي]

لا يروق لك الا المميز والجميل

أختيار فتاك وحلو وقصيده جزله وصح لسان قائلها

[مروان الرشيدي]

مرزوق


فيه نآس هنآ بالشبكه لو مآأقراء لهم ولطرحهم أحس انه ناقص مني شي

أخص بذالك قراءه الشعر


فـأنت من أحد العمالقه اللي أقراء له وأتابعه وبكل أعتزآز


رآقي في طرحك

و

رآقي في أختيارك



شكرآ

[احمد منيف]

رفعتهم .. وأرتفعت أرقاب وأشنـاب. . . نزلتهم .. صار أسود الـراس شايـب

من لا أفتهم درس الليالـي ولا تـاب. . . يمـوت مـا يفهـم ولاهـو بتايـب

اختيار موفق اخووووي تسلم ع النـــقل

[مرزوق العجوني]

اقتباس من مشاركة مذكر العايضي لا يروق لك الا المميز والجميل أختيار فتاك وحلو وقصيده جزله وصح لسان قائلها

كل الشكر على مرورك العذب ولا هنت وتقبل شكري وتقديري

[مرزوق العجوني]

اقتباس من مشاركة مروان الرشيدي مرزوق فيه نآس هنآ بالشبكه لو مآأقراء لهم ولطرحهم أحس انه ناقص مني شي أخص بذالك قراءه الشعر فـأنت من أحد العمالقه اللي أقراء له وأتابعه وبكل أعتزآز رآقي في طرحك و رآقي في أختيارك شكرآ

كل الشكر لك اخوي مروان واشادتك وسام على صدري ولا عليك زود يابعد راسي وانت من افضل المصممين اللي شاهدت ابداعاتهم وهذا والله من دون مجامله لك لك شكري وتقديري

[مرزوق العجوني]

اقتباس من مشاركة احمد منيف اختيار موفق اخووووي تسلم ع النـــقل

كل الشكر اخوي ولا هنت على مرورك الرائع

[سحايب]

من لا أفتهـم درس الليالـي ولا تـاب

يمـوت مـا يفهـم ولاهـو بتـايـب
صح الســان شاعرها
وصح ذوقك واختيارك
قصيده جميله استمتعنا
بمفرداتها العذبه