[خالد العجوني]

لا ضاقت هواجيسي و صاب الصدر ضيق

و احترت بالقيفان شرق و شامي

ارسل لبن جوهر زبون المطاليق

قصيدة من شاعر ما يضامي

علم الرجولة يا عرب طايقة طيق

و بالطيب و الخوة رفيع المقامي

حر ولد حر و لا جف له ريق

جويد ريش ولة مسمى قطامي

يبغى الحباري ما لتفت للغرانيق

كريم يمنى ما عليها كلامي

كف عريض و لا يعرف المسابيق

طليق في كل السماوات حامي

ما كرة ما هو ماكر للتفاريق

ماكرة روس النايفات القوامي

و بالفعل تشهد لة جميع المخاليق

امن الفعل و اللة ما هو بضامي

سم العدو حزن العيون المغاريق

بيت الدخيل الي من العد ضامي

فيه الكرم عادة و للضلم تحقيق

و لا عدلي لحم بليا عضامي

مجلسة به كيف و براد و بريق

و مجلسة يبطح به كبير السنامي

و لا من ذكرته دوم شمسه مشاريق

درع المراجل لبن حامد و سامي

و ليا ذكرت الجوهري بالطواريق

زانت بيوت الشعر و الحض قامي

الموضوع الأصلي: قصيدة الشاعر خالد سعود العجوني بالشاعر عايض حامد العجوني | | الكاتب: خالد العجوني | | المصدر: شبكة بني عبس

[أمـــير بـكلمتي]

قصيده جميله خالد لاهنت

[سعد محمد]

صح لسانك أبيات جميله ...

[مروض الصعب]

صح لسانك ياخالد وبن جوهر كفو ويستاهل

[عايض ابن جوهر]

الله الله
بيض الله وجهك ياابو سعود قصيده وافيه من شاعر وافى
وهو غريب عليك الطيب وانت من رجال لهم باع طويل فى
المراجل وانتظر الرد ياخالد فى الايام القادمه ان شاء الله

[(فارس الرشيدي)]

صح لسانك أبيات جميله

[لميـــــا]

صـــح لســانك
ويعطيك العافيه على هالابيات
وودي قبل ردي

[قاف]

الله ياخالد قصيده رئعه
صح لسانك وبنتظار ردالشاعر بن جوهر