ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
رسالة تناقلتها زوجات سعوديات أزعجتني..
رسالة تناقلتها زوجات سعوديات أزعجتني لقد اثار إهتمامي رسالة تتناقلتها زوجات سعوديات عن اللي تبي الدلع والكلام الحلو وين تلاقيه. فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي..... واللي تبي الأجر تاخذ سعودي. عاد الأخيره هي الي أزعجتني. وحبيت أقول لهم العاقل يفهم من غمزه والجاهل يفهم من رفسة معلومة أفتتح فيها رسالتي: أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب. إلى كل إمرأه سعودية تعتقد أنها مأجورة لأنها مآخذه زوج سعودي..... إلى كل إمرأه سعودية تعتقد أنها فاقدة الدلع مع زوج سعودي..... إلى كل إمرأه سعودية تعتقد أنها فاقدة الرومانسية مع زوج سعودي..... إلى كل إمرأه سعودية تعتقد أنها فاقدة الكلام الحلو مع زوج سعودي..... إلى كل إمرأه سعودية تعتقد أنها مظلومة عاطفيا لأنها مع زوج سعودي..... إلى كل امرأة سعودية تبحث عن زوج حق دلع ولا كلام حلو..... أختي الفاضلة: أجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التالية: صباح الأمس الباكر؛ من أيقظ زوجك للعمل؟ أنت أم الساعة المنبهة؟ إذا كانت الساعة؛ أين كنتي؟ إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟ بعد أن استيقظ، ودخل الحمام للدش؛ هل وجد حمامه جاهز؟ لما خرج والأمل يحذوه في وجبة إفطار؛ هل كنتي جهزتي له إفطاره؟ (ولا كوب قهوة وكيك على المكتب) قبل أن يخرج للعمل؛ من أين أخذ ملابسه؟ (من بين يديك ولا من الدولاب) هل ساعدتيه في لبسه؟ (وكشختيه وعطرتيه) بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي: 1- خرج وأنا نايمه. 2- صحيت من حركته في البيت، فتحت وحده من عيوني وقلت: وين رايح، العمل؟ بالسلامة. 3- كنت جالسه بالصالة، وهو خارج قلت له لا تنسى الأغراض اللي وصيتك عليها. 4- رافقته للباب، وكان وداع حار. ( تبين مساعدة، نحذف إجابتين؟ بس المشكلة مانقدر نحذف إلا إجابة وحده بس!!!) لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تطمئنين عليه إنه وصل بالسلامة؟ تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟ بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير) يبي يدخل الحمام ويأخذ دش؛ (كرري السؤال حق دش الصباح). بعد الدش يبي استرخاء، رجليه تألمه من الوقفة طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك) الآن يبي غفوة قبل ألغدا، هل ساعدتي على توفير الجو الهادئ؟ لما صحي؛ هل وجد ألغدا جاهز ولا هو اللي جابه معه من المطعم؟ بعد ألغدا أكيد يبي شاي، هل قدمتي له الشاي، وجلستي معه سوالف عن كل شيء، وكيف كان يومك؟ الآن فتره مستقطعه إلى الليل، وشلون قضيتوها؟ بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟ خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟ وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء استأجروا غرفه بفندق وما لقولهم إلا غرفه بسرير واحد (كنج بد) وكل واحد نايم بجهه) باختصار لكل الأسئلة السابقة: هل كنتي أنثى مع زوجك السعودي وعيشتيه جو زوج وزوجه؟ طبعاًَ هذى مو كل الأسئلة المطلوبة من زوجه أنثى، لكن المهم منها والمطلوب حتماًَ وحق الزوج فيها. إلى كل امرأة سعودية تبحث عن زوج حق دلع ولا كلام حلو: ضعي درجه من 100 على كل سؤال، ووزعيها بحسب الأهمية، ثم أجيبي الإجابة الصحيحة، ومن ثم اجمعي الدرجات التي حصلتي عليها. كم مجوع الدرجات أللتي حصلتي عليها؟ 0% ولا 10% ولا 50% ؟ طبقي النتيجة على المعلومة الزراعية التي أعطيتها أول الرسالة عن الأرض. إعتبري النتيجة هي نسبة اهتمامك بالأرض. والأرض زوجك كيف بتكون الثمرة اللي تحصدينها؟ (الثمرة أكيد الدلع والكلام الحلو و... و....) اسألي مزارع إذا احتجتي مساعدة. في النهاية: أتمني من المرأة السعودية اللي تبي الدلع ما تأخذ لبناني، واللي تبي الكلام الحلو ما تأخذ سوري واللي تبي...واللي تبي....واللي تبي.... كفاية يكون في العالم العربي كله بس السعوديين محرومين من الأنثى. معلومة أختتم فيها رسالتي: تعرفون ليه الزوج السعودي يفغر لما يشوف امرأة متبرجة وتطيح سعابيله. تعرفون ليه الزوج السعودي أكثر رجل في التاريخ متواجد في القهاوي والاستراحات؟ تعرفون ليه الزوج السعودي لما يجلس وزوجته يتابعون التلفزيون وتطل المذيعة عيونه مفنجله بالشاشة. تعرفون ليه الزوج السعودي لما يتزوج من سوريه ولا مغربيه ولا...ولا... يحس إن فعلاًَ فيه جنس آخر بالكون غير الذكور. لأنه في الأصل عايش مع واحد من ربعه. منقول من الواقع و أنا برأيي الشخصي انه لو فيه زوجة تسوي ما ذكر أعلاه ما راح زوجها يفكر مجرد تفكير بالزواج عليها إلا إذا كان مجنونا أو مريضا نفسيا ملاحظة هامة / الموضوع طرح بهذا الأسلوب كتذكير للمتزوجين و المتزوجات و المقصرين والمقصرات فقط . دمتم بوافر الودّ والمحبة وبسلامتكم
|
|
|
كلام جميييل جدا وسليم ميه بالميه
/ \ / \ شكرا همــــــــــــــس
|
|
|
|
طرح رائع واعتقد بهالزمن لايواجد
اهمال من قبل الزوجه وان وجد فبشكل قليل فبنات اليوم واعيات ومثقفات ومطلعات على الكثير والاهمال موجود في كل المجتمعات فلو بحثنا لوجدنا الكثيرممن يشتكون الاهمال العاطفي والزوجي ولاستقرارالاسري واعتقد كل مايقال عن السعودي وحياته مبالغ فيه لحد كبير وكله من باب التعليق والتسليه لااكثر... فكثيرممن يعيشون بمحيطي ينعمون بالحياه الزوجيه المستقره وان وجد مما يدعونه فهي حالات تعد على الاصابع لاادافع عن المراءه وانما واقع امامي صعب ننكره .. لك خالص شكري
|
|
|
شاكره لكم مروركم العطر
|
|
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| رجل واربع زوجات | ابوعوض111 | المنتدى الأدبــــــــــــي | 0 | 29-05-2011 07:10 PM |
| عضــوة أزعجتني بالرسائل الخااااااصه ...!! | ريتال الداموك | المنتدى العــــــــــــــــام | 20 | 03-05-2009 12:40 PM |
| زوجات الملك الأربعة | فهد العايضي | المنتدى العــــــــــــــــام | 5 | 19-08-2008 04:16 AM |
| زوجات الملك الأربعة | صوت البدر | المنتدى الأدبــــــــــــي | 5 | 30-12-2007 07:13 PM |
| نساء سعوديات يرصدن انتهاكات السجون عبر رسالة إلى الأسرة الحاكمة | جبل أثقب | المنتدى الإعلامــــي | 4 | 07-08-2007 01:32 PM |
الساعة الآن +4: 05:35 AM.
جميع الحقوق محفوظة شبكة بني عبس
