[الاجهر]

يا وجودي كل مـا نادمـت انـا سـود الليـال=كل ما طابـت جروحـي شقهـا شـوك النـدم
وجد من ضيـع طريقـه واهلكـه طـرده الآل=كل مـا قـال النهايـه اختفـى ومنـه انصـدم
وجد عود(ن) مات نجله كل مـا شـاف العيـال=كن رمح(ن) صاب صدره ينزف دموع(ن) ودم
كلها من سب صاحب انسحـب خلـف الجبـال=انسحب سحّب عروقي وكـل عـرق(ن) انعـدم
ش العذرلاسباب صده شـي يرفضـه الخيـال=ماله اية وجـه صحـه غيـر شيطانـه رسـم
كل عـذرى فالمدينـه حرمـت صفـر الـدلال=وكل طير(ن) في سماهـا طـار لبـلاد العجـم
وكل بيت انصك بابه تحت صمت(ن) طال طال=وانسحب جيش المدينـه وانتكـس فيهـا العلـم
واذبلت خضر الغصوني واختفى وجـه الظـلال=وانشفت ماي الغديـري واجفلـت عنـا البهـم
صرت تايه فالغداري مـا لقـى ضـو الهـلال=ما لقـى غيـر النجـوم وجاهـل بعلـم النجـم
لا رقيت بـراس رجـم وقلـت ديرتنـا قبـال=ما لقيـت الا الرجـوم وصوبهـا سقـت القـدم
وان نويت آشب ضـوي انطفـت دون احتمـال=وافترش رمل الفيافي تـارك(ن) تـرف النعـم
ولا وعيت بهب سافي من جنوب ومـن شمـال=يبتـدي صبـح المظامـي والكلايـف والوهـم
لا مشيت بحرّ رمضا ضامـي(ن) رشفـة زلال=شفت قدامي سراب(ن) وآصلـه يصبـح وهـم
صار مشواري عذاب(ن) من طوال(ن) في طوال=واحد(ن) يطـرد مدينـه وكنـه يطـارد عـدم
والله ان الهم فينـي صـار لـه جـزء احتـلال=وصار له جيش ومواني ولـه معسكـر محتـرم
كل مبديـت المعانـد وجّهـوا صوبـي سـؤال=وارفعـو فيهـا قضيـه بالمجـالـس والقـمـم
وكـل مبديـت التصالـح قابلـونـي بالقـتـال=يضـرب بعـرض الحوايـط اتفاقـات الامــم
الشقى والهـم صـارت تنتهـك دمـي حـلال=وان رفضته جا قدر حظـي فـزع لـه بالالـم
ما لقيـت انصـار ليـه لا ولا حتـى المحـال=كـل مـن فيهـم تخلـى عـن تقاليـد وقـيـم
والله اني راية(ن) بيضـا علـت بيـن الرجـال=مـا عرفـت الـذل والشحـه ولا حتـى النمـم
لكن اللي حدني شـي ساقنـي صـوب الهبـال=شي(ن) ازريت اعرفه لا واقتصر عنـه الفهـم
ما بقـى فالبيـد رمـل ولا بقـى فيهـا تـلال=وما بقى فيني مكـان(ن) يقبـل بطعنـة سهـم
الليالـي عاندتنـي والسعـاده شــي مـحـال=والبراكيـن اسرفـت فيّـه بقـذفـي بالحـمـم
يا رقيق العود بعدك مـال حظـي مـال مـال=مال لين آمـال ماتـت فينـي اليـاس ازدحـم
ويا وجودي كـل مـا لديـت عينـي للشمـال=وجد من شايف قصاصـه وانظلـم فيـه انظلـم

قصيدة اعجبتي مع التحية

الموضوع الأصلي: يا وجودي كل مـا نادمـت انـا سـود الليـال | | الكاتب: الاجهر | | المصدر: شبكة بني عبس

[السيف]

قصيده جميله تستحق

النقل مشكور الاجهر

[مبارك الشويلع]

صح لسانك ولسان شاعرها

احسنت الاختيار


ننتظر جديدك الجزل المفيد


وتقبل فاااااااااااائق احترامي وتقديري

[الاجهر]

مشكور سيف على المرور

[مسندالعويمري]

صح لسانك ولسان شاعرها

احسنت الاختيار


ننتظر جديدك الجزل المفيد