[شامخ الشامخ]

السلام عليكم ورحمة الله وبركاته

تقبلوها كما هيّ ..

ياسيدي.. عنكّ.. فيّ احلام تنفاني=وان غبت ..لو جيت صوبك لاتناديني
الوقت.. ماعاد يغريني.. مع احزاني=واللحين.. ماعاد يمدي بك .. وتغريني
علقتني.. بين ذاكرتي ونسياني= وضيعتني.. بين احاسيسي ويديني
ماعاد يقوى على تعبيري.. لساني=ياما شعرت الكلام.. يطيح من عيني
لو مر عصفور بأحلامي... تمناني =ولو طاح ..ريشة.. جناحينه تناديني
اعطيتني سيد خلاني... وخلاني=واخذتني.. قبل ما شعوري يخليني
واللحين.. شفني على ياسي وحرماني=رجعت بي.. ما نطقت: ارجوك داويني
يطويني الوقت.. والأحباب.. تنساني=لكن من اعماقهم.. تظهرني يميني
ما الله خلق بالبشر .. واحد على شاني=وما الله خلقني لأجل غيري.. يعنيني
يعني معك حق.. تذكرني وتنساني!=وانا .. لي الحق.. قبل انك تخليني!!

وسلامتكم جميعا ً..
اخوكم ابو نايف

الموضوع الأصلي: بين ذاكرتي ونسياني .. | | الكاتب: شامخ الشامخ | | المصدر: شبكة بني عبس

[مسندالعويمري]

صح السانك ابو نايف

ابداع شعر وحضور مشرف

[أحاسيس]

صح لسانك رائعه

[عيد الداموك]

يعني معك حق.. تذكرنـي وتنسانـي!
وانا .. لي الحق.. قبل انك تخلينـي!!

ابو نايف
صح لسانك
مبدع دائماً
وننتظر جديدكــ
+ ختم + تثبيت
وتستاااااهل

[الذهبي الهلالي]

صح لسانك
عل وعسى ان تكفي

[عبدالله معزي]

شامخ الشامخ
انت شامخ دائما
صح لسانك

[ولد حايل]

لو مر عصفور بأحلامـي... تمنانـي
ولو طاح ..ريشة.. جناحينه تنادينـي

انواع من الحزن والوحده والشموخ
الله عليك يالشامخ
صح لسانك بلا مدد
على الجزاله والشعر الحقيقيي
تقبل مروري
ولكن بعد ان تسجل اعجابي

[مالك الصامل]

اعطـيـتـنـي ســيـــد خــلانـــي... وخــلانـــي .... واخـذتـنـي.. قـبــل مـــا شـعــوري يخلـيـنـي.

ابو نايف دائما يحضر الشعر بحضورك..

كم انت مبدع.. وجزل ..

اتوقف كثييراً عندما اقراءك ...

ابداعك متواصل ..

هل لي ان اعرف ماسر العلاقه بينك وبين الابداع..؟

شامخ استمر فأنت شامخ ...

تقبل اعجابي وفائق ودي واحترامي..