[عوده الخياري]

بادين باسم الله الرب الوحيدي000الله اللي بالغن في مايريده
خالق المخلوق يبدي ويعيدي000بين كاف ونون يبديه ويعيده
بعد ذكر الله عالم مانريدي000سجل اللي قلت ببيوتن عديده
والله اني غير احشرك ياقصيدي000لين ترقى فوق عند اعلى قصيده
كيف لاوانا اعرفك دايم عنيدي000لاتعاندني وانا افكاري عنيده
والله اني لصخرك والحبل بيدي000ثم اعسفك لين تمشي طوع سيده
ياقصيدي لاتحسبني بليدي000مادخلت الشعر بافكارن بليده
شاعرن من خلقتي مني جديدي000بالقديم وبالطواريق الجديده
شاعرن من خلقتي للشعر سيدي000واصخره حتى يطاوعني واكيده
اتحكم فيه كنه من عبيدي000ويدري اني سيد ماني من عبيده
درهمي يابكرة الشعربفديدي000ماحلاك وماحلى الشعروفديده
وانهلي من بحرشعري واستزيدي000وصدري خلي مرابيعك بعيده
ماطلبت الشعرمن زيد وحميدي000ولاسرقت من المجله والجريده
ولاشتريته بالدراهم والنقيدي000ولاتقيمني [000000000]
ولااطلب التحكيم ليه من طريدي000لاني اكبر منه بسنينن مديده
اسجع الموال وكرروعيدي000وانظمه نظم الجنيهات الفريده
ثم اصبه صب كنه من حديدي000قاسين مدعوم باركانن جويده
والتواضع فيه والقول السديدي000ويفهمه حتى الرضيع اللي بديده
ومن عقيم الشعرماذا نستفيدي000والعقيمه ماخبرناهامفيده
وبعد هذا وكل هذا ياعضيدي000الله الله ثم تطبيق العقيده
والتزام الدين والعلم المفيدي000وسنة الله ثم الاخلاق الحميده
والكرم والعزم باليوم الشديدي000وجارك وضيفك بالايام الشديده
ورافق اللي لانخيته مايحيدي000مثل هاك الصقرلاشاف الطريده
اذهن اللي من قنص به مايصيدي000احذره والمرء قالوا من قعيده
وخل يدك مع الجماعه ياسنيدي000لاتشذ تشذ بالنار الوقيده
يوم اشوف الربع عندي يوم عيدي000ربعي اللي كل سيرتهم حميده
ويكفي اني من بني عبس ورشيدي000 من بني غطفان ونعم البديده
مع تحيات ابويووووووووسف

الموضوع الأصلي: والله اني غير احشرك ياقصيدي للشاعر عوده الخياري | | الكاتب: عوده الخياري | | المصدر: شبكة بني عبس

[عوده الخياري]

وين شاعر ابي رد على الابيات هذا

[حامد الحنيفان]

كفو ثم كفو ثم كفو صح لسانك ياعوده الخياري وعزالله انك شاعر من عمالقة شعراء بني رشيد ولكن الاعلام ضالمك0
وانا اقولها ولافكرت بااطلق شنب وتقبل مروري وحترامي

[رسام الغروب]

صح السانك على القصيدة عوده الخياري شاعر غني عن التعريف لاهنت

[عاشق الطيب]

صح لسانك

اخوى قبل مرورى