[الاجهر]

يا ذا الجلال اللي عروشك فوق واملاكك حـدر
ومهماً تسامت به عروشه مستحيـل يطولهـا

يـا حـي يـا قيّـوم يـا ذا الأنافـة والكبـر
ما نافسك في عظمتك مكـر العبـاد وهولهـا

وما نافسك من عمّر بيوته على سطح القمـر
واللّي ترسي فـوق أقاليـم الميـاه سطولهـا

ما انته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا

أنت السميع لمن حمد وأنت المزيد لمن شكـر
واللي ما يشكر نعمة المنعـم عليـه تزولهـا

ياذا الجبروت العظيـم ويـا القديـر المقتـدر
تفزع لنا في معضـلات مـا نريـس حلولهـا

تلعب بنا خـلاّن فرغتنـا كمـا لعـب الكـور
أن اقبلت صاحوا لها وأن دبّرت صاحوا لهـا

لا هبّنا الطايف بعض الأحيان في فية عصـر
شهب الليالي مـن ورانـا يسحبـن ذيولهـا

أنت السلام اللي لك الإسلام وانت المشمخـر
اللي عجايب قدرتك فـي المعجبيـن ذهولهـا

سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـا

سلام يا بو بكر يا عثمان يـا علـي وعمـر
وسلام يا سبـع الآفـاق أطلالهـا وسفولهـا

سلام يا صدق النوى سلام يا وسـع الصـدر
سـلام يـا مفتـاح بيبـان الفـرج وقفولهـا

وسلام يا شمس الضحى تشرق على بر وبحر
وتشرق على كل الديـار جبالهـا وسهولهـا

وسلام يا غر السحاب اللـي تبجـح بالمطـر
وشم الجبال اللـي تبجـح بالسحـاب قذولهـا

وسلام يا هوج الرياح اللي عطاهـا مستمـر
مهما خذوا منها من الحسنات مـا ردوا لهـا

ليت الرحاب اللي لنا بوجيههـا حـق وقـدر
ما تضمحل من الزمان ولا نشـوف سمولهـا

و ياليتنا لاما سرحنا اليوم الأبيض من فجـر
تبطي عبات الليل ما تضفـي عليـه سدولهـا

ولاّ ليامنهـا ضفـن سدولهـا يطلـع بــدر
يا صل ضياه اللي على الكوره تطق طبولهـا

المعتبر يآخذ على الدنيـا دروس مـن العبـر
والنـاس يكسبهـا معاملهـا بقـد عقولـهـا

أحيان تصدف لعبة الشاطر مع غلطـة عمـر
مره .. لكن لا عدت الغلطة ما عـاد ينولهـا

حنا عرفنا كلنا ما طـال مـن شـيء قصـر
والأحلام ماتوا قبلنا شرهين ما وصلـوا لهـا

حتى الجمال اللي تحمّلهـا الهقـاوي بالصبـر
يالله بحملتهـا تقـوم وتــدّرج بحمولـهـا

والحب سيسـان العبـادة والعبـادة بالجهـر
ان ما قدرت تقولها وجـه الصحيـح يقولهـا

يسرون عميان المحبة تيه في غـدرا الغـدر
للـي تحـد سيوفهـا واللـي تعـن خيولهـا

ولا تفكـر فـي غنـاة ولا تفكـر فـي فقـر
وتشفع لبيضان الصدور احضوضها وفعولهـا

واهل التكلـف بالمعرفـة والتصنـع بالبشـر
والله مهي حول الصحيح ولا الصحيح بحولها

اللي يفضّل ما يقيم بو ميه مـن بـو عشـر
حتى الفضولية عن الفاضـل بطـل مفعلوهـا
سعد بن جدلان

الموضوع الأصلي: سلام يا محمد رسول الله راعي الوجه الأغـر | | الكاتب: الاجهر | | المصدر: شبكة بني عبس

[ذابحه النوم]

صح لسان ابن جدلان
ومشكور الاجهر على النقل

[رسام الغروب]

صح السانك الاجهر ولسان الشاعر وتسلم يمينك على القصيدة واختيارك لاهنت

[أبو سليّم]

صح لسان الشاعر
ويعطيك الف عاف لااختيارك لهذهي القصيده بذاة
تقبل مروري

[الاجهر]

اشكر مروركم جميعا الله لايهينكم

[غـــلاءنـــجـد]

الله يعطيك العافيه
تسلم على النقل

[آلنجم]

صح لسان ابن جدلان
ومشكور الاجهر على النقل

[s&h alrashide]

صح السانك الله يجزاك خير ويجعلها بموازين حسانك