[محمد الجريشي]

ما ابغاك بس ادراك ماودي اجفاك = تقدير لسنين الغلا الماضاتي
والا انت خاين عهد بانت خفاياك = انك على سود النوايا تباتي
سرقت قلبي بالمعاليق ماقواك = واللي تركت عروشه الخاوياتي
اعميتني بالحب واغرورك اعماك= تزيد سياتك وازيد احسناتي
تنام واسهر مع خيالك وذكراك = والم بصدور القصايد شتاتي
وتصدعني واتباشر بلقياك= والله ماتلقى من يسوي سواتي
وانوي عتابك والبلا كل ما القاك = يذوب هرجي في شواطي سكاتي
انساك من هرج العتب لو مانساك = وشوفه ضحية حب في وسط ذاتي
ولا تامن الدنيا ودورات الافلاك= وارجوك فكرفي حقيقة وصاتي
يمكن يدور الوقت وتهون فرقاك = وتصير قصه ماضيه في حياتي
لكن لياهالحين ساكت وابدراك = والله يستر لا يتفجر سكاتي

الموضوع الأصلي: الله يستر لا يتفجر سكاتي | | الكاتب: محمد الجريشي | | المصدر: شبكة بني عبس

[أحاسيس]

روووووووووووعه مرررررررره

[احمد منيف]

اخوي القصيدة بقمت الجمال ...!

خيالك حيل ممتاز

لاهنت اخوي

[محمد الجريشي]

احمد منيف

في الحقيقة استغرب هذا

فالقصيده على بحر المسحوب اسهل البحور الشعريه

واذا انت لا تعرفه فلست بشاعر

[عيد الداموك]

مابغاك بس ادراك ماودي اجفاك
تقدير لسنين الغلا الماضياتي

محمد الجريشي
صح لسانك وبيض الله وجهك
طرح مميز وتقبل مروووري
وهذا هنا نقص حرف واضح
معنى البيت ولا يعيب القصيده
والاكيد انه خطأ املائي
وانت شاعر ومعرووف + ختم صح لسانك

[احمد سبيتان]

صح لسانك ياشاعر يامبدع

[عبدالله معزي]

صح لسانك وعلى شانك
قصيده جميله
تقبل مروري

[ابوحزن 2009]

صح لسانك قصيدة جميلة