[منصور بن صبح]

السلام عليكم ورحمة الله وبركاته

صباح الخير أو مساء الخير

قصيده جديده اتمنى ان تنال اعجابكم

هيه ياطير ياللي بالسماء اليوم حايم=واهنيك ليا من ضقت دربك سماحي
كل ماضقت من دارك نطحت السمايم=وش يعوقك مدام أنك ترف الجناحي
ليت منهو سواتك ماثنته العزايم=ولا نواله مراح وطاح دون المراحي
مابتلش بالمطير ولانشب بالضلايم=بين أهل النفاق وبين أهل الصلاحي
عالمن في بعضها تستبيح النمايم=تطعن ظهور خلق الله بعلط الرماحي
مالها وجه بين ماخشت لوم لايم=ذاهبين العقول مهذية كل صاحي
في غيابي تلحقني كبار الشتايم=وفي حضوري تقول أهرج وذنبك مباحي
وانا سابح بغبات التجارب وعايم=وكتشفت أن صدي سلوتي ونشراحي
صدتي عن قليلين المروه غنايم=راس كل الغنايم بالغياب أرتياحي
تطوي أقدامي البيداء ولا ضل هايم=أترك الماء الهماج اليا لقيت القراحي
الذيابه ليا ضاقت تذب الخرايم=والكلاب الجريه جيدهن النباحي

وسلامتكم

الموضوع الأصلي: هيه ياطير يلي بالسماء اليوم حايم | | الكاتب: منصور بن صبح | | المصدر: شبكة بني عبس

[مبارك السوارج]

صح السانك يـ مبدع اشهد بالله انك شاعر منت بهين تقبل مروري

[منصور بن صبح]

اقتباس من مشاركة مبارك السوارج صح السانك يـ مبدع اشهد بالله انك شاعر منت بهين تقبل مروري

صح بدنك

وشهادتك وسام على صدري

بيض الله وجهك

وتشرفت في مرورك

[مرآهيش]

الله أكبر يا منصور بن صبح

والله ماكنك الا تكتب مابدواخلنا

صح لسانك ملايين

[الضرغام]

ابيات رائعه

دائم الخيال واسع كبير

قصيده لها اجواها


صح السانك

[سمري]

الله يعطيك العافية

[عيد الداموك]

منصور بن صبح
صح اللسانك
الله يكفينا شر اهل النفاق والنمايم

وهذا بيت كذلك عن اهل النمايم
اهل النمايم دايمٍ تدرج الحوم ** مثل الطيور الي تحوم بسماها

[ساااره]

صح اللسانك وبيض الله وجهك