[فضي البراك]

يابعد عمري انا خايف علـي عمـري=وماشوف غيرك يطمني علي اخباري
جيت بشعور غريب وضايق صـدري=وعندي حكي لو نطقتة يجرح وقاري
جيتك من الشوق..ابعزف للقـا وتـري=جيتك وغنّي لحن شوقك ..علي اوتاري
فيني من الحب مال الغصـن للقمـري=وفيني من الغيرة اللي تتعـب افكـاري
فيني من الحب رعشة..رمدت جمـري=وفيني من الخوف ..رعدة رمدت ناري
فيني شقاوة صباح .. ولون من فجري=فيني ظـلام الليـال ورهبـة السـاري
وانا وربـي احبك..وابصـم بعشـري=وانتي قدر مختلف جداً .. عن اقـداري
انتي مدي الحب..وانتي سالفة شعـري=انتي علي صوتك ابدع باجمل اشعاري
ياأعذب انسانةِ مـرت علـي عصـري=انتي طريقي لو انة طـال مشـوااري
ياكثر ماتوحشيني .. والتـزم صبـري=ياكثر في وقتهـا الغلطـات واعـذاري
من شانك اصبحت مثل المرسم المبري=من شانك اموت ماوصي على ثاري
حرثت قلبـي ..اببـذر حبـك المغـري=وزرعت فيك الثقة واسقيتها اسـراري
ابوعـدك ياحياتـي وانتـي انتظـري=ونذرِ عليّه... لغيرك ملفت انظـاااري
انا ادري انك مثل مانتي علـي خبـري=عينك لمزني ..وبارضك هلت امطاري
وانا من الخوف لاأدري.. ولامدري=ولاتسأليني..انا مـدري وش الطـاري
انا كذا صرت ..احس بكـل مايطـري=صرت آتوقع يميني.. تبغـض يسـاري
حتي جروحك اطالعها ماقـول ابـري=احتاجهـا بالفـراق تصيـر تذكـاري
وانا دخيلك قبـل ماوادعـك واسـري=لاروح غلطة زمن ؟؟ ويقل مقـداري

للشاعر الأنيق / عبدالله الراشد

الموضوع الأصلي: وانتي قدر مختلف جداً .. عن اقـداري | | الكاتب: فضي البراك | | المصدر: شبكة بني عبس

[عبد العزيز]

صح لسان شاعرنا الجميل محمد الراشد وبيض الله وجهه

ابو فيصل شكرا جدا

[مرآهيش]

اقتباس من مشاركة فضي البراك حتي جروحك اطالعها ماقـول ابـري=احتاجهـا بالفـراق تصيـر تذكـاري

قصيدة آنيقة كشآعرهآ

لآعدمنآكـ

[فضي البراك]

اقتباس من مشاركة عبد العزيز صح لسان شاعرنا الجميل محمد الراشد وبيض الله وجهه ابو فيصل شكرا جدا

ماش البرد مأثر عليك ودخان النار خلتك ماتشوف ،،،

عموما لا هنت على المرور ،،،

[فضي البراك]

اقتباس من مشاركة مرآهيش قصيدة آنيقة كشآعرهآ لآعدمنآكـ

قمة الأناقة مرورك ،،،،

[البعيد الهادي]

صح الساان الشاعر الجميل /عبد الله الراشد
واحسنت النقل يابو فيصل

[رشيديه و أفتخر*]

صح الساان الشاعر

لاهنت ع النقل

[سحايب]

صح الســــــــــــــــان الشاعر
وسلمت يمناك قصيده للجمال
تباهي بين حروفها