[الله يسامحك]

السلام عليكم ورحمه الله وبركاته

أضع بين ايديكم الكريمه محاوره بين الشاعر( حمود البراك) و (فيصل الطشه)
انشاالله ان تنال اعجابكم،،،

فيصل الطشه:

ياحمود ابن راشد زبون المخاسير
سلام بعداد المطر والخيالي

يالشاعر الي صرت ضمن المشاهير
عملتك تسوى جنيه ولا ريالي

حمود البراك:
حييت يالشاعر جميل التعابير
يامرحبا موجود مالك مجالي

الحمدالله هل مزن التباشير
ارقى جبال"ن" عالية ٍ طوالي

فيصل الطشه:
أكرب حزامك بالليال المعاسير
ودام البقا من هاجس الي طرالي

حنا رقينا اطويق ياصاح والنير
وخلاص هذي ياولد للعيالي

حمود البراك:
متحزم"ن" واحزامي اقوى من الغير
لاعاد تسئل وش حصل وش جرالي

ماعادلك منزله بين الشواعير
انت الذي قطعت حبل الوصالي

فيصل الطشه:
ارقى على قبه جبال الشمنصير
والجر اللحون وقول واعزتالي

الطير مايلفته كثر العصافير
ياشجرة الي مالها اول وتالي

حمود البراك:
بعطيك يافيصل بعض التقارير
علم"ن" يرسخ في ذهون الرجالي

الطير طار ولا معه شي ٍ يحير
والحمدالله حافظ"ن" راس مالي

الموضوع الأصلي: محاوره ( حمود البراك) و (فيصل الطشه) | | الكاتب: الله يسامحك | | المصدر: شبكة بني عبس

[صياف]

نبطيه ماعليها كلام ويييييين المفتي هذا الي ايدور


جاك الشعر صباحي يطنطاوي وأنا وكلتك ومالك الى المساندة ياطنطاوي

[الله يسامحك]

مشكور على المرور الجميل ،،

بس شكلك مضيع بالرد ؟؟؟

[طنطاوي]

صياف شكرا لك وانا اقول حسب خبرتي ان الاخوان صغار السن وفي بداية الطريق

وفي البدايه لابد من الهفوات وانصحهم الابتعاد عن التفاخر وانا سويت وسويت

واوصيهم بمحاولة رسم المعنى والتعب على البيت والجزاله