[المر العذب]

ما ضريت الا على .. فج النحاير=و ما فطمت الا على .. كسب البطوله
ابدويً .. تسكن براسه عشاير=ينذبح عادي .. و لا تعقر ذلوله
المراجل صنعته .. و الدم فاير=في حجاجينه مضامين الطفوله
في كرم كفه و مداته يعاير=لا طرى اسمه فالمجالس .. فسحوله
(لا زهل له شيءً .. بأذن الله صاير)=طيب هرجه ينتشر و الصدر توله
و أن تكلم يفرش الدنيا .. حراير=و ان سكت .. تذكروه .. و صفقوله
(زايرين البيت) .. بٌورك كل (زاير)=من رجال..و من نساء .. و من كهوله
بشروا الترفه..مجدلة الضفاير=سيدة ريح المطر..سبة هطوله
قولوا انك ماأخذتها عن جداير=طلتي شيءً ما قدر غيرك يطوله
ساكنه قلبه ولا حولك .. ضراير=من بداية فهرسه لأخر فصوله
لولشي..يا بنت فكاك الزراير=دام هذي فعلتك فأنتي..مهوله
لك ضلوعي روض..و كفوفي نواير=و انا عندي علم و اخذي يا بتوله
انا ليلي غم.. والا الهم ساير=من خلقنا الله وانا صوله و جوله
السنين مقٌفيه .. و الجرح غاير=و الوجيه من المواجيب مغسوله
ما نصلي الفجر بأوقات العصاير=هذا منا شيءً .. لا يمكن حصوله
و الاوادم تفخر بطول العماير=و البناء فنً قديم و له أصوله
كاتم اسرارك و تحسبها جهاير=عاقب الله قابل العيب و قبوله
ليبيا تحرص على آمن الجزاير=من طلع منها فلا يضمن دخوله
و القصايد مورقه .. و الدرب ناير=و المسافر ننتظر لحظة وصوله
و الشعر جبته .. بلا عسر و عزاير=و انا من صفوة اساميه و فحوله
مسرحيه و انتهت .. يا أهل الضماير=يا معافي عاف فاضل من فضوله
انتهينا و ابتدى .. أسدال الستاير=و الشعر حولي و انا مانيب حوله

جازت لي

الموضوع الأصلي: زايرين البيت .. بٌورك كل زاير | | الكاتب: المر العذب | | المصدر: شبكة بني عبس

[مذكر الرشيدي]

المر العذب مبدع وصح لسان قائلها وروعهـ صراحتاً

[ناصر الرشيدي]

وجازت لي ايضاً

اذاً الجمال لا يختلف عليه اثنان

[مرآهيش]

اقتباس من مشاركة المر العذب ما ضريت الا على .. فج النحاير=و ما فطمت الا على .. كسب البطوله ابدويً .. تسكن براسه عشاير=ينذبح عادي .. و لا تعقر ذلوله المراجل صنعته .. و الدم فاير=في حجاجينه مضامين الطفوله في كرم كفه و مداته يعاير=لا طرى اسمه فالمجالس .. فسحوله (لا زهل له شيءً .. بأذن الله صاير)=طيب هرجه ينتشر و الصدر توله و أن تكلم يفرش الدنيا .. حراير=و ان سكت .. تذكروه .. و صفقوله

،

،

،

رآئعة

[سحايب]

صح السان شاعرها وسلمت يمناك
على هالنقل الرئع

[مرزوق العجوني]

صح لساااان شاعرها ولا هنت على النقل الرائع

[قاهر الاصفرين]

صح لساــن شاعرها
الله يعطيك الف عافيه
عــــلـــى الــــنــــقـــل

[المر العذب]

اقتباس من مشاركة مذكر العايضي المر العذب مبدع وصح لسان قائلها وروعهـ صراحتاً

الأبداع يمكن في مرورك أستاذي ..

لا هنت ..