[الشبيح 404]

السلام عليكم
هذه هي قصيدة المشاركه
يقول

البارحه يومه غدا الليل ليلين @@ والناس كلن مهتني في منامه

طرى علي البارحه كامل الزين @@ صد وتنكرني وكثر ملامه

كنا نسجل في هوانا عناوين @@ واليوم خلي باخلن في سلامه

ماشي على دروب المحبه لاهالحين @@ وهو مضربني دروب الندامه

لاقلت له مشتاق لك قال بعدين @@ واشوف انا منه الجفا في كلامه

انشهد اني ذقت نار المحبين @@ ولعب علي صاحبي لعب دامه

أثره صحيح اهل المحبه مساكين @@ وراع الهوى ماهوب ويا السلامه

يجامل العربان من حين لاحين @@ وهو بنفسه خايراتن عظامه

حالته دايم مثل حال المصاخين @@ واللي يشوفه قال هذا علامه

شف حالتي في غيبتك بس شهرين @@ وشلون لو غيابك تم عامه

ان كان عقب الوصل ودج تقفين @@ نقدر نرد النفس قبل الندامه

وان كان مشتاقه و ودج تدقين @@ خطي تعرفينه وعندج ارقامه

وسلامتكم

الموضوع الأصلي: مشاركه بالمسابقة الموسم 2 | | الكاتب: الشبيح 404 | | المصدر: شبكة بني عبس

[عنتر زمانه]

صح السانك

قصيده رائعه والحب بلوى من بلاوي هالزمن

اثره ما يخلي أحد ياهل ترى ان فيه أنسان تتجاور الستين بدون حب أو لا أيها الشاعر

أخي القصيده رائعه ولكن أتمنى أن تتابع الاخطاء الاملائيه وتشابك الحروف حتى تكون واضحه

وشكرآ لك

[الضرغام]

صح السانك قصيدة رائعه فيها من الغزل شيء كثير
الشبيح .. الظاهر ان فيه ناس تحب وهم كبار ..

بس عندك اخطاء إملائيه كثيره
شف حالتي في غيبتك بس شهرين @@ وشلون لو غيابك تم عامه

[الغنيم]

صح لساااااااانك

وكما قيل: الحب بلوى من بغاه ابتلابه

[هيون]

صح الله لسااااااااانك

[ميلاس]

صح لسانك .. بالتوفيق ..

[الشبيح 404]

صح بدنك اخوي عنتر زمانه
الحب هو الحب ماينشرى بالسواق=حبك الايا راح تلقالك بديله
شكرا على المرور

[الشبيح 404]

صح بدنك يا ضرغام
شكرا الف شكر على المرور