[وهم المدينه]

من طبعي ارد الإساءه { بالاحسان}
وأساير ظروف الزمان اللعينه ..

وأطوف الغلطه من {فلان .. وفلان }
يعني من أجل { عين} تكرم مدينه ..




الكامل الله والخطا طبع { الانسان }
والدرب يفرق عن يساره ويمينه ..




و { الصاحب} ا للي له معزه وله شان
ان جاني بشينه .. تذكرت زينه ..




اتحمل اخطاءه معي { قدر الأمكان }
من جانبي تبقى العلاقه متينه ..




واللي { يغلطني } وانا ماني بغلطان
اصابعي احطها { وسط عينه } ..




مادامني مسلم وفي قلبي إيمان
عمر{ البحر} ماشال هم السفينه ..




مرت علي {انواع .. واشكال .. وألوان }
بين { العقول } الناقصه .. والرزينه




عندي قناعه ان { الإنسان شيطان }
اذا يهينك { لازم } انك تهينه ..




يعني اذا حاجتك {بيدين عدوان }
يكفيك شر المهزله .. والغبينه ..




من{ كثر ماجاني } من الناس خذلان
تحرجني حتى كلمة { الله يعينه }




صحيح لي { ربع .. وجماعه .. وخلان }
وأضيق لكن حاجة الناس.. شينه




الشخص دام انه بكل شي{ خسران}
تأكد انهآ من عمايل { يدينه} ..




من مرحلة { حب .. ومشاعر .. وحرمان }
إن مالعنت الحب تلعنه سنينه ..




اكتب شعر واعزف من {اشواقي الحآن}
واسلي قلوب الغرام الحزينه ..




ولو الشعر مخلوق في { هيئة انسان}
والله لأقول له تسلم {واقبل جبينه/ }

الموضوع الأصلي: آلْكَآمِلْ الله..وَ آلْخُطَآ طَبْعْ آلْآنْسَآنْ}~ | | الكاتب: وهم المدينه | | المصدر: شبكة بني عبس

[احمد سبيتان]

صح لسانك

عمر البحر ماشا ل هم السفينه


قصيده بقمة الروعه

فالك التوفيق

[جـمـل]

يالا هذي الجزاله يالجزل للاه درك يالمبدع

صح السانك واعجبت ذائق الجمل ههههههه

[وهم المدينه]

احمد سبيتان / الجمل
يسلمووووووووو على المرور الرائع

الجمل انت احسن جمل هههههههههههههههههه

[أحمد بن سلهود]

الله اشبعتني شعر

[وهم المدينه]

ابن سلهود منورررر يالغـــــــــــــالي

[المداوي]

قصيده رائعه
وصح لسان شاعرها

ومشكور وهم المدينه

على النقل,,,,,

ويعطيك العافيه,,,,

[بندر صالح]

صح لسانك
قصيده جزله من شاعر جزل
الله يعطيك العافيه