[ابو راشد العبسي]

يافهد شفت بعيونك علامات الشباب=وانت لازلت بعيوني تري توك صغير
واستمع للهرج وافهم مضامين الخطاب=كل شي في زمانك تري يمكن يصير
لايغرك زين دنياك واخرتك تراب=واجتهد بالدين والله علي فعلك بصير
والصلاه اوصيك فيها وقصر بالثياب =لايغرك من تكلم وقال الوقت غير
احتفظ سنة نبيك وجود بالكتاب=خلهن في وسط قلبك عروق تستدير
واحفظ لسانك تري الناس تحسبله حساب=والسوالف يافهد بعضها يصبح خطير
والوطن دونه وانا ابوك ترخص له ارقاب=طاعة الله مع نبيه ومن ثم الامير
خل راسك شامخ فوق هامات السحاب=وعز ربعك والضيوف ان لفولك والفقير
يوم شفت العين شابت ونصف الراس شاب=قلت ابكتب هالوصيه مدام اني بخير
للولد وان طاعني فاز وان ماطاع خاب=والله اللي خالق الخلق وبعبده خبير
ياالهي نجنا من جهنم والعذاب =وانت من رحمتك للداب يملي فمه طير
رحمتك ياللي رزقت البهايم والدواب =وانت امرك بين حرفين ياربي يصير
طالبك ياللي تثبت موازين الهضاب=الثبات بطاعتك والنجاه من السعير

كلمات احمد محمد البغيلى

الموضوع الأصلي: الوصيه كلمات احمد محمد البغيلى اداء خالد البصمان | | الكاتب: ابو راشد العبسي | | المصدر: شبكة بني عبس

[سحايب]

واحفظ لسانك تري الناس تحسبله حسـابوالسوالف يافهد بعضهـا يصبـح خطيـر

صح السان شاعرها

اداء راااائع وقيده

جميله يعطيك العافيه

على هالنقل المتميز

[ابو راشد العبسي]

اقتباس من مشاركة دمعه واحفظ لسانك تري الناس تحسبله حسـابوالسوالف يافهد بعضهـا يصبـح خطيـر صح السان شاعرها اداء راااائع وقيده جميله يعطيك العافيه على هالنقل المتميز

دمعه الرائع مرورك اسعدنى جدا

[مذكر الرشيدي]

أبو راشد والله انها تستاهل النقل والتميز والابداع

رائع وصح لسان الشاعر الكبير والجزل احمد البيغلي

[بندر الشويلع]

صح لسانك والله يعطيك العافيه

[ابو راشد العبسي]

اقتباس من مشاركة مذكر العايضي أبو راشد والله انها تستاهل النقل والتميز والابداع رائع وصح لسان الشاعر الكبير والجزل احمد البيغلي

اخوى مذكر شهاده اعتز فيها اسعدنى جدا مرورك

[ابو راشد العبسي]

اقتباس من مشاركة بندر الشويلع صح لسانك والله يعطيك العافيه

اخوى بندر
اسعدنى جدا مروركم

[¤ نـبـ الـخـفـوق ـض ¤]

ابو راشد

لاهنت على النقل

ماشاء اختيار رائع

وذائقه ارووع