[الجابر]

يــالـيـتـنـي جـوالك ..



إن كنت إلى ذلحين في عينك طلبتـك خلنـي
الا أنا ليه أطلبك وأنا ادري أن هـذا محـال

يمكن لوأني دمعـةّ فـي ناضـرك ماتهلنـي
لأنني في ناضرك مثل الجسد هو والضـلال

خليتني مثـل الـورق سـود الليـال تفلنـي
وأنا معذبني زماني من شقـى سـود الليـال

ليت الزمن قـدام يحرمنـي عليـك يحلنـي
بس البلا أن الوضع دونك لاحرام ولاحـلال

مليت من صبري وصبري من كثـر ماملنـي
أصبحت أداري دمعةّ ماهي تبي طرح السؤال

(ينتابنـي بعـض الأمـل لعلنـي لعلـنـي
حين اللقاء أجـزم بأنهـا لحظـة وصـال )

تدل بيتي وتعـرف ويـن أسكنـي وتدلنـي
مابقي الا أقول لك عجل علي يابـن الحـلال

تدري وش اللي فالمحبه مـن سببـك يعلنـي
نظرات حزن تنولد وتموت (ف)عيون الرجال

ما أعتدت أجي لي في مكان يسرني ويذلنـي
معزت الرجال دامـه حـي مافيهـا جـدال

لك وحشةّ أتلنـي لا أشتقـت لـك ويتلنـي
وجدّ يحايل دمعتي لا عرضو لك في مجـال

ياليتني جوالـك اللـي فـي يـدك وتشلنـي
عشان صوتك مايفارقني مـع كـل إتصـال

لكن أخاف أنـه إذا جـاك إتصـال تملنـي
ثمّ تسكرني وأنا مالي على الصبـر إحتمـال

أما فشغلني علـى طـول الزمـان وخلنـي
والا أني أبقى فنظرك مثل الجسد هو والظلال

الموضوع الأصلي: يــالـيـتـنـي جـوالك | | الكاتب: الجابر | | المصدر: شبكة بني عبس

[سحايب]

صح السان حمدان المري
وصح ذوقك واختيار
جميل مانتقى حسك
لك ودي

[الجابر]

الجميل مرورك اختي دمعه ثانكيووو

[بندر الشويلع]

صح لسانك الجابر

[أميرةبلاقصر]

يسلموووا خيو الجابر صح الله لسانكـ خيو
تقبل مروري

[الجابر]

شكرا علي مرورك اخوي بندر الشويلعي

[الجابر]

يسلمك ربي اختي اميره بلاقصر قصرك ان شاء الله بالجنه

[النمر1012]

صح اللسان شاعرها وتسلم يمين ناقلها
الروعه الله يعطيك العافيه قصيده قمه قمه الذوق
(ينتابنـي بعـض الأمـل لعلنـي لعلـنـي
حين اللقاء أجـزم بأنهـا لحظـة وصـال )

تدل بيتي وتعـرف ويـن أسكنـي وتدلنـي
مابقي الا أقول لك عجل علي يابـن الحـلال