[سالم الرشيدي]

يابوي في صدري هواجيس وهمـوم
واللي بـرك للحمـل لازم يشيله

قدلي شهرماذاقت عيوني النوم
ياكود غفوة ذيب في كل ليلـه

ادور الراحه عسى خير مقسوم
وشلون صارت راحتي مستحيله

يابوي وانت اسمك مقدر ومحشوم
وان تاهت اقدامي تراك الدليلـه

تعبـت وانـا أقبّـل جبـاه وخشـوم
واجامل اللي مانفعنـي حصيلـه

صارت حياة الناس من يفرق السوم
واللي ما معه فلوس ياعزتي لـه

قلّوا هل الناموس ذبّاحـة الكوم
وكثروا مزودة الهـروج القليلـه

وزادوا هل النمّات طرادة اللـوم
هذا تحكي فيه وهـذاك تحكـي لـه

وشفنا شيوخ الاسم من غير مرسـوم
اهل البشوت اللي كممها طويله

لو انها بالسيـف ومناطح القوم
ومداحم الفرسـان يـوم الدبيـلـه

في ذمتي ان تشوف شجعان ورخوم
وتشوف بعض الناس يومـي شليلـه

لكنهـا شيخـة دنانـيـر وخـتـوم
وشيخ الدراهم فوق شيخ القبيله

وانا اعرف ان الناس معطى ومحروم
واللي كتبـه الله لعبـده يجيـلـه

لكن مهمـا عـاش لابـد لـه يـوم
يحط وسط الحفره المستطيلـه

وانا لانـي ظالـم ولانيب مظلوم
لكن علي حمـول بقعـآ ثقيـلـه

آجابـه الدنيـا ولانــيب مـلـزوم
اطرد ورى برقٍ سرى فالمخيله

والله ماغبط الا كريـمٍ له عزوم
المـال عنـده والنشـامـا تجيـلـه

وفي مجلسه ذا داخل وذا يبي يقـوم
وكـلٍ عقـب كرامتـه يدّعـي لـه

هذي هي الغايـه لكـن والله علـوم
ماكل غايـه يوجـد لهـا وسيلـه

والله ما يشحنّي راع الكبـر والـزوم
وراع الجميل اللي يمنّ بجميلـه

الطيب يتعب كل قرمٍ وشغموم
ومايكسبـه راع اليمين البخيـلـه

ورفيقي اللي مانفعني ولا يوم
اخير مـن رفقته شـوف الحليلـه

ورفيقي اللي فالشدايد معي دوم
نـذرٍِ علـي انـي مـادور بديـلـه...


مما راق لـــي...

الموضوع الأصلي: » يـ أبـــــــــــــــوي « | | الكاتب: سالم الرشيدي | | المصدر: شبكة بني عبس

[star]

الله يعطيك العافيه على هالقصيده وصح لسان

قصيدة جزلة من شاعر جزل

[قتيل الشوق]

الله يعطيك العافيه,,,
صح للساان الشااعر وصح للساان قاايلها ونااقلهاا كماان
ياعلني افداكـ ياتاج راسي..لو بااكتب عنه .. ماراح اوفيه جزء بسيط من حقه..
اسأل الله العظيم ان اكون من البارين بوالديناااا ويحفظهم ويطيل في اعمارهم,,آآآآآآآآمممممممممممييييييييييين..

[ميلاس]

ررررروعه . . تسلم ع الطرح . .

[النقيشى]

صح الله السان الشاعر وتسلم اخى على النقل
اعجبتنى الابيات
وشفنا شيوخ الاسم من غير مرسـوم
اهل البشوت اللي كممها طويله

لو انها بالسيـف ومناطح القوم
ومداحم الفرسـان يـوم الدبيـلـه

في ذمتي ان تشوف شجعان ورخوم
وتشوف بعض الناس يومـي شليلـه

لكنهـا شيخـة دنانـيـر وخـتـوم
وشيخ الدراهم فوق شيخ القبيله

[اخت اخوها]

يعطيكم الف عافيه

[سيوف بني عبس]

صح لسان الشاعر وسلمت يمين ناقلها
يعطيكم الف عافيه

[وريثة المجد]

صح لسآن شاعرها ..
و تسلم يمينك على النقل ..
و لاهنت ..