[بعيد الهقاوي]

ياجماعه انا عندي موضوع مهم وودي اتكلم بدون قيود واتمنى من المشرفين عدم التعرض لموضوعي

اكثر المنتدى اسماء مستعاره لايعرف اصحابها فمافيه ضرر ان اللي بالمنتدى كلهم يلعبون مع بعض انا اتكلم عن الاسماء المستعاره دون الاسماء الحقيقيه لكن انا عشان مااحد يزعل علي ابستثني حالات

1_ شاعر نزل طاروق يطلب شاعر وجا واحد ورد مانلوم الشاعر صاحب الطاروق اذا طلع وتركه لانه يعتبر من الفضول

2_ شاعر طلب زميله واعتذر زميله مانقول انه خاف منه لانه اعتذر

3_ شاعر انتظر فتره طويله ومحد رد عليه وطلع وجا واحد ورد عليه مانقول انه هرب

طيب وش رائكم بواحد منزل طاروق وماحدد وماصارله وقت طويل وجاه شاعر اخر ورد عليه ويوم شافه ترك الصفحه وحط رجله هههههه

نبي نحط عدة احتملات

اما انه خائف ولاماله خلق لشاعر المقابل ولامنزل الطاروق عبث

اذا هو خائف نقول انت بااسم مستعار

اذاهو ماله خلق نقول ليش منزل الطاروق وماحددت احد

اذا منزله عبث نقوله راحت مواضوعينا ومحاوراتنا بسبب هالمتطفلين

اخيرا يالربع اللي يكتبون بااسماء مستعاره اذا انت تخاف تلعب مع الناس بااسم مستعار اذا كنت من بني رشيد فبني رشيد لاتتشرف انك تمثلها بالمحافل هذا اذا كان لك وجود

انت داخل بااسم مستعار وخائف وش خليت للاسم الصحيح

اذا هو تكبر تراك بااسم مستعار لاتضحك على نفسك

وللاسف اكثر اللي موجودين يدخل بااكثر من عشرين اسم ولافيه بركه

وناس معروفه بااساميها كسبوا حب الجميع والبقاء للاقوى اللي ان خسر اليوم ربح بكره ولااثرت عليه

ملاحظه هذا موضوعي يختص بحاله من الحالات اللي لاحظت وياكثر الحالات المستعصيه ومنها اللي مايلعبون اللي الا مع اللي يعرفون ولاشافوا احد داخل مايعرفونه مايغلقون الصفحه بس يطفون الكمبيوتر بعد على بالهم ان الشاعر يقدر يطلع عليهم مع الكمبيوتر ههههه

((صحيح من قال عش رجبا ترى عجبا ولله في خلقه شؤؤن))

والى لقاء اخر : بعيد الهقاوي

ودمتم

الموضوع الأصلي: شي غريب في شبكة عبس لايوجد بغيرها | | الكاتب: بعيد الهقاوي | | المصدر: شبكة بني عبس

[النقيشى]

اشكرك اخى على الموضوع اوحقيقة اعجبنى وهويمس الواقع لشعراء

[السبع الضاري]

كانك تقصد ابا الخلا من عذره لو هرب الموت حار والناس ماترحم هههههههههه امزح معك طال عمرك
واشكرك على الموضوع

[ابو موسى]

صادق يا بعيد الهقاوي هذا الكلام اللي يجمد على الشارب

[العميل السري]

صادق يا بعيد الهقاوي هذا الكلام اللي يجمد على الشارب

[قسورة الغاب]

كانك تقصد القسوره من عذره لو هرب الموت حار والناس ماترحم هههههههههه امزح معك طال عمرك
اشكرك على الموضوع

[رشيدي 404]

صادق يا بعيد الهقاوي هذا الكلام اللي يجمد على الشارب

[بعيد الشوح]

السلام عليكم ورحمة الله وبركاته

اخوي بعيد الهقاوي يبي تعليق على النقاط التي ذكرها يا أخوان
ويبي وجهة نظركم

اخي اسمح لي التعليق وابدى الراي

انت عزيز وغالي
والدلاله كلنا ننتمي لبعيد الشوح والهقاوي


1_ شاعر نزل طاروق يطلب شاعر وجا واحد ورد مانلوم الشاعر صاحب الطاروق اذا طلع وتركه لانه يعتبر من الفضول

كلام صحيح الإ إذا استاذن وأذن له لعدم وجود الشاعر المطلوب

2_ شاعر طلب زميله واعتذر زميله مانقول انه خاف منه لانه اعتذر

هذه نقطة غير مهمه


3_ شاعر انتظر فتره طويله ومحد رد عليه وطلع وجا واحد ورد عليه مانقول انه هرب

شي واضح فارق التوقيت

طيب وش رائكم بواحد منزل طاروق وماحدد وماصارله وقت طويل وجاه شاعر اخر ورد عليه ويوم شافه ترك الصفحه وحط رجله هههههه

نبي نحط عدة احتملات

اما انه خائف ولاماله خلق لشاعر المقابل ولامنزل الطاروق عبث

اذا هو خائف نقول انت بااسم مستعار

اذاهو ماله خلق نقول ليش منزل الطاروق وماحددت احد

إجابه السئوال على ماقالو البدو منه فيه

هاهو الجواب

اذا منزله عبث نقوله راحت مواضوعينا ومحاوراتنا بسبب هالمتطفلين

اخيرا يالربع اللي يكتبون بااسماء مستعاره اذا انت تخاف تلعب مع الناس بااسم مستعار اذا كنت من بني رشيد فبني رشيد لاتتشرف انك تمثلها بالمحافل هذا اذا كان لك وجود

كتب بأسم مستعار ولإ بغيره ( هو هو )

انت داخل بااسم مستعار وخائف وش خليت للاسم الصحيح

اذا هو تكبر تراك بااسم مستعار لاتضحك على نفسك

من يكتب بأسم مستعار لـ أمرين
أما أن يكون مبتدئ ويحاول يكتسب خبره
ويبتعد عن الحزازيات
ويطمح لتطوير ذاته وهذا هو الطلب النبيل
الآمر الثاني
هو
من يتخفى ورى الأسم المستعار
ليتكلم بألفاض لايتجرى ان يقولها بأسمه الحقيقي
هو مايدري ان كلامه محسوب عليه وعاكس لشخصيته وهذا من رداءة نفسه لو كشفته وقلت له انت من يكتب هذا الكلام
قال أستغفر الله لن يخرج مني هذا الكلام
وهذا هو من لاينبغي ان يتشرف به
واسمح لي ان اضيف آمر ثالث
وهو الهاوي لشعر المحاورة ولايريد يمارس هوايته أو ماهو فاضي للميادين
ويستخدمها بوسيله الأنتر نت
وللترفيه وهذا تجده دايماً بعيد عن اكتشاف مايدور بحلبة المصارعة ههه
وياخذ الجميل ويعطي الأجمل
ويترك البذئ
وهذا لانلومه حيث يمارس هوايته
الإ إذا بدر منه عكس الجميل

وكل واحد محساب على مايقوووول من رب العالمين

ازيد على نقاطك نقطة مهمه لامدافعة

يوجد معنا أسماء مستعارة
لهم ثقلهم بالمنتدى ومحبوبين من الجميع
وتواجدهم شرف لنا يفيدون ويستفيدون
ولهم سمو بالمعنى والألفاظ
هاهو انت بأسم مستعار تكتب للنصح وتعاتب من اخطاء

وفيه بالعكس
ولكن قله

ونكن للجميع كل تقدير واحترام