[بدر الحشية]

أرجوك بعض المشاعر لاتهزهزها = ترى المشاعر تألم عند راعيها
وترى النفوس العزاز ألها حواجزها=وحواجز النفس ستر(ن) من خوافيها
لا تقول لك كلمة (ن) تحسبك تحرزها = وتطيح لأقمت منها منت قاويها
وان قلت لك كلمة (ن) حاول تركزها = ولا ترى الصمت خير (ن) من حكاويها
ودعواك لاصار ما تقدر تنجزها = ازبن على واحد (ن) ساعة وينهيها
ولا تجود على صبر(ن)يعجزها = وتجيك في وسط بيتك ما تناديها
وكم واحد(ن) حاجتها بالصدر يكنزها = من قل من يستمعله يوم يبديها
يخشى من اللي يهمزها يلمزها = يضحك بعض ناس لأكن ناس يبكيها
وشكواك لابن الردي حذر(ن) تعنزها=يفضحك وتروح فيها وأنت كأميها
وعليك تكبر ولا تقدر تميزها = وتضيع في طوشة(ن) تبلش بتاليها
والسالفة يقدر الواحد يلفزها = ويقدر على ناس من شكله يمشيها
ولاتشغلك حرمة(ن) منت متجوزها = تطرد ورآها وغيرك يهتني فيها
ولا يفرحك شوف الأرنب لو تنقزها = مادام ما شفتها بالنار شاويها
ولأتحسب (ن) الذهب بأي يد(ن) يزها = ترى الذهب ما يغير لون أياديها
والنفس حاول بحد أقصى تعززها = نفس(ن) بلا عزها ماني مداريها
والناس لاتقوم بعيونك تخززها = احمد على العافية واسلك مماشيها
ومن طاوع النفس تشقيه بغرايزها = ومن طاوع العقل يسلم من بلاويها
والمرجله ماتحب اللي يهاوزها = تبي لها واحد(ن) دايم يحاضيها
واللي عيونه مع الظلما يغمزها = ماحد(ن) درى عن عيونه لو يعنيها
ونفيستك وانت فاني لاتغزغزها = المقبره بأنتظارك وانت ناسيها
والناس دورات قادرها بعاجزها = ماخلق جنه ونار وزعوا فيها
وناس(ن) مع الله وناس ابليس ناغزها = سبحان من ظل ناس وناس هاديها
وناس(ن) تعلت وعلتها مراكزها = وناس(ن) تبي الطيب مير الطيب فاحيها
وناس(ن) تحفز ومعروف(ن) تحفزها = وناس(ن) تبي من يشيمها ويعطيها
وناس(ن) تلعوز وتسلم من تلعوزها = وناس(ن) مع اللعوزه تبطي لياليها
وناس(ن) تبي نبز ناس وناس تنبزها = نابز ومنبوز لين الموت يفنيها
وناس(ن)عجز رزقها يكمل عوايزها = لاهي فقارا وهي مالله مغنيها
حتى العجايز تبي ناس(ن) تهمزها = العافيه والظنا ماهو مكفيها
وان قمت اعاند تفاكيري وابارزها = صارت حجاوي وانا ماني محجيها

الموضوع الأصلي: ارجوك بعض المشاعر لا تهزهزها لـعبدالله باتل | | الكاتب: بدر الحشية | | المصدر: شبكة بني عبس

[جـــــروح بارده]

لاهنت اخوي بدر على هالقصيده الجميله

ومن الواضح انك معجب بالشاعر عبدالله باتل

[بندر الذيابي]

صح لسااااااااااااانك ولساااااااااان الشااااااااااااعر

ومشكور علي النقل


تحياتي


بندر

[!! هـيـبـة مـلـكـ !!]

البحر الميت عبدالله الباتل لايضاهيه شاعر من دون مبالغه



لك تحيااااتي ومودتي