[عيد بن عبيد]

أعزائي

إدارة وأعضاء وزوار شبكة عبس منتديات قبائل بني رشيد

يطيب لي أن أنقل لكم خبر اللقاء الاول من نوعه.



الشاعر رشيد الزلامي لأول مره في عالم المنتديات بمواجهه مع

الشاعر عبدالله الاشرم .

لقاء عمالقه من عمالقة شعر القلطه يتجدد هنا في جوانح

منتديات قبائل بني رشيد . فقط حصريا على شبكة عبس .

باسمي وباسمكم نرحب بضيوفنا الكرام ونشكرهم مقدما على قبول الدعوة

نفحات مع ضيوفنا

الشاعر القدير رشيد بن زيد الزلامي العتيبي

قالـوا تعلمـت قلـت عنـاد وفـراسـه=أصارع النفس والدنيـا اصارعها
ودرست في مدرسة من شيّبـت راسـه=دنيا العنا اللـي قضيفـاتٍ مطامعـهـا
تلميذهـا دايــمٍ تكـتـب بقرطـاسـه=وتعطيـه جملـة دروسٍ مايضيّعــهـا
والله عطانـا نظـر وقلـوب حسـاسـه=ناخذ علوم المعرفـه مـن مراجعــهـا
ونسايـر الوقـت ونقيـسـه بمقيـاسـه=ونوجـه النفـس بالواقـع ونقـنعـهـا
وترى حياة الفتـى مهمـا قـوا باسـه=محفوفـةٍ بالخطـر والمـوت تابعـهـا
من مبتدا العمـر حتـى يلفـظ انفاسـه=يمـر فـي مرحلـه تكثـر زوابعـهـا
أول حياة الفتـى مشـوار واعساسـه=مسافةٍ فـي عجـاج العمـر يقطعـهـا
وثاني حياة الفتـى تدريـب ودراسـه=النقطـه اللـي بـدا منهـا يراجعـهـا
يرجع لسـن الهـرم ويضيّـع الطاسـه=ويزحف مع الأرض ويخطــط شوارعها
وليـا تلاقـت متونـه وارتخـى راسـه=ضاعت جميع العلــوم اللـي مجمّعهـا

الشاعر القدير عبدالله بن عوض الداموكي الرشيدي

اناماشريت البنز تاجر ولا نصاب=وهو موتراًمركب حكومه وشخصيه
شريته لنفسً كان ماتت وراها حساب=اباافرشلهاالمرجان دامنهاحيه
وكم واحداًليمبه الين راسه شاب=ولاذاق من لاذاتها ربع ربيه
تخيرت لون الكحلي الغامق الجذاب=على شان اكحل به عيون الحسوديه
ليا مني زعلت وضقت من ديرة الاجناب=شتلته على خط الديار الشماليه

انتظرونا يوم الاثنين الموافق 21/3/1428 هـ الساعة التاسعة مساءً .
الي هناك اترككم في حفظ الله ورعايته.




مع خالص التحيه والتقدير
اخوكم ومحبكم
عيد بن عبيد

الموضوع الأصلي: عبدالله الاشرم ورشيد الزلامي يوم الاثنين | | الكاتب: عيد بن عبيد | | المصدر: شبكة بني عبس

[شاعر الثقلين]

مشكور ياعيد بن عبيد على هذا الخبر وفي إنتظار المحاوره



تقبل تحياتي

[الشمالي]

الف شكر لك اخي عيد بن عبيد

[سعد الشقل]

الشاعرين رشيد الزلامي وعبدالله الاشرم من اهرام الشعر


الله يبيض وجهك يا عيد بن عبيد علىى استضافه الشاعرين القديرين


وكلنا لهفه وشوق ليوم الاثنين


تقبل خالص تحياتي وتقديري

اخوك سعد الشقل

[عبدالعزيز الخياري]

لقاء بين شاعرين غنيين عن التعريف لهم الباع الطويل في شعر المحاوره

واشكرك يابو عبيد على جهودك المتميزه

تقبل تحياتي

[فيصل الرشيدي]

مشكوووووووور يا ابوعبيد ما قصرت

ومرحبا مليوووووووون بالشعرااااااااااااء العمالقة

[سعد الرشيدي]

اهلا وسهلا

بالشاعرين العملاقين

تشرفت صفحات شبكة بني عبس في هذا اللقاء

بين عمالقة الشعر

واشكرك اخي العزيز الاستاذ

عيد بن عبيد

على هذا التنسيق بين الشعراء والمقدمه الرائعه

ننتظر الموعد باذن الله

اخوك سعد

[سعد بن عادي]

نرحب في الشاعر الكبير رشيد الزلامي

والشاعر عبد الله الاشرم

شعراء غني عن التعريف لهم مكانتهم على الساحه الشعريه

واحب اشكر أخوي عيد عبيد على حسن الاختيار

متابع متابع