[سيوف بني عبس]

اخر محاوره بين الشاعرين / ناصر بن مرسال الرشيدي والشاعر /المرحوم عبدالله العيرالمطيري

في منطقة حائل قبل وفاته بعدة ايام وايليكم هذه المحاوره ؛؛؛؛


ناصر مرسال

يامرحبا في محل محققين الطموح** العزوه اللى مثل شمس الضحى صيتها

من خلقت الله لبونا آدم وحواء ونوح** ناطاء على الارض لو ظاقت عفاريتها

عبدالله العير

الله يبارك بناسٍ يكسبون المدوح** اللى دعتني على الحفله ولبيتها

اليا تحيزمت بم حزام ماانت بشحوح** ان ما تغدتك ياناصر تغديتها

ناصر مرسال

جعل البقاء بالنشامى من ضميرٍ نصوح**وانته علومك تخش الاذن واوحيتها

المزن خيّل من المنشاء وبرقه يلوح** اسلم وسلم على اهل المهد لا جيتها

عبد الله العير

سيفٍ ماهوسيف عنتر لا تعده ذبوح** وانته تبي ذبحت المسلم وغريتها

ويش انت لا قي مع أهل المهد حتى تروح** أبلشت الاجوا د ياناصر وبذيتها

ناصر مرسال

مالك عن السيف الاجرد لو طلعت الصطوح** في ليلتن لونها اسود والقمرليتها

انته تريد الخبر من جد ولامزوح** لا تلومني لوعليك اسراري اخفيتها

عبد الله العير

الليله انته من الامثال صدرك يفوح**لاكنﱢ لاشفت لك حيه تمثنيتها

لاون كشف السراير منه تبراء الجروح** ابديت الا سرار بالشاشه وغنيتها

ناصر مرسال

البحر مالح لاكنّك ماتذوق الملوح** ياللي حبالك بوسط البحر مديتها

ماودنا يالمطيري بالسراير نبوح** ون كان حديتني بالا سم سميتها

عبد الله العير

لاوالله الا بلاك الله بعيرٍ رموح** قدام خشمك ليا منك تحريتها

ماني بغابطك يا ناصر بديس المسوح** أ نا تمنحتها قدمك وفكيتها

ناصر مرسال

لابارك الله في رجل ا لحصان الجموح** يالله وبالله با لمشعاب صديتها

اثريك عايش مع أهل القات وأهل اللحوح** يامجاور العنكبوت اللى بنت بيتها

عبدالله العير

ماكل را سٍ طلعله قرن يصبح نطوح** وا نته بغت تطلع اقرونك وثنيتها

ماني بذيبٍ ليا قوطر يهاب السروح** إن ما تعشيت راعيها تعشيتها

ناصر مرسال

جدتك ماتت شهيده وا نت مالك قروح** والميته لوتلم امطير محييتها

مانته محصل غابوق ولامحصل صبوح** مافي يدك غير صبرتها وحلتيتها

عبد الله العير

ماني مقابل قبور العجز ا صّيح وا نوح** ان كان ماهي على دربي تعديتها

الموضوع الأصلي: اخرمحاوره بين المرحوم عبدالله العير وناصر مرسال | | الكاتب: سيوف بني عبس | | المصدر: شبكة بني عبس

[المميز]

صح اللسان الشاعر ناصر
والله يرحم عبدالله العـــير

[رياح الشرق]

صح لسان الشعراء
الله يرحم العير ويطول بعمر ابو وليد

[النقيشى]

مشكور اخى على النقل وادام الله شاعر القبيلة الى نبل الاخلاق والمعانى الحميدة

[محمد الراشد]

محاوره عمالقه
معانيها جزله وسلسه

سيوف لك تحياتي

[طارق الشويلعي]

اشكرك على الطرح الرايع واكثر من رايع تقبلي مروري