[احمد الشختلي]

بسم الله الرحمن الرحيم
السلام عليكم اعضاء وزوار هذ الصرح ,,متواضعه ترجي القبول منكم
عسى ان تشفع لي في غيآبي
عنوانها : المفارق
اداء المنشد : فرج الكدادي

يا سعد والحب طعنه مثل طعن السهام=والمفارق ليلته كشرت بسنونها
ماذبح حالي ياكود البراقع واللثام=والعيون اللي خذتني وأنا مرهونها
هي مناة العمر عند البدايه والختام=وهي تقاسيم السعاده وكل فنونها
ما سليت بدونها والغلا وصل وسلام=والعيون لغيرها مستحيل تخونها
ماليه عيني وقلبي محبه وأحترام=وصنتها من قبل غيري يجي ويصونها
ياسعد تبقى المصيبه تنادي فالمنام=ما درت عني ولا بيحت مكنونها
عشت صامت والغلا واصل لحد التمام=ما حكيت ولا شكيت الغلا لشجونها
يا سعد من دونها شفت للوقت أعتصام=وجتني ظروف الزمن يا سعد بحزونها
علموها طعنة الصدر بالسيف الحسام=ماتساوي طعنة البعد يوم تجونها
قد كتبها الله لغيري على الصف الامام=لكن وصاتي معك والتعب فغصونها
لبسوها للفرح وأرفعوها فالمقام=وألعبو من دونها وأضحكو في كونها
وقدموني فالكفن والوفاء فوقي وسام=وأسمها وأوصافها داخلي تلقونها

وسلامة الجميع.

الموضوع الأصلي: المفارق | | الكاتب: احمد الشختلي | | المصدر: شبكة بني عبس

[السيف القاطع]

قصيده جزله بيض الله وجهك وصح السانك

[عايد2001]

صح السانك وعتلا شانك

[كاتب الرشيدي]

من طوووول الغيبات جاب الغنائم

وانت معودنا على الجزل من الغنائم بيض الله وجهك

علموها طعنة الصـدر بالسيـف الحسـام
..............ماتـسـاوي طعـنـة البـعـد يـــوم تجـونـهـا

وصح لسانك يا أحمد شاعر جزل

[عيد الداموك]

وعليكم السلام ورحمة الله وبركاته
احمد الشختلي صح لسانك