[باجد عبد الرحمن]

أسعد الله أوقاتكم

قصيدة من الارشيف وسبق نشرها ولكن من حبي لها ومحبة لمن وجهت له وهو الشاعر فوزان بن عوض بن مربح وتلبية لمن طلبها كامله أخي فضي البراك وأعتزازي بقرائتكم لها أعيدها هنا في قلعة المجد والتاريخ

بعد انتهيت من الوجيه المصده=سلام ياوجه(ن) عن العرف ماصد
يوم الردي مدنات مااخلف مشده=وانته تشدد بالوفاء كل مااشتد
حبل الزمان اللي يطول ويمده=ماقص من باعك تمالاه من يد
رجل(ن) على عادات خاله وجده=اللي مجاذبهم من الخال والجد
بسلوم عصر موالفين الاشده=بحمى سطرهم يضوي المال ويمد
ماغير اطباعه زمان المكده=سلاب همة روس الامزاح والجد
في عالم(ن) رجله وطت فوق خده=وراع النقاء لو وخذوا فيه مااستد
شره يبادر به وخيره يلده=تجمد به الحسنه ويفضح به السد
يابن عوض ماانكرت لك فيك ضده=وتنوب في كل المواجيب وتسد
ومن غرني ياابن عوض مايسده=اشوم عن طاريه كله ولابد
ماتنكشف لي قصة امسه وغده=يالي توصل حسنة اليوم للغد
وافي وطولك وافي الطول قده=قدك مقام(ن) معتلي وانت له قد
في وقت ينقص فيه حفظ الموده =والناس يافوزان مابينهم ود
والادمي لو طال عمره مرده = قبر(ن) حفر جاله على جاله انهد
ولاله دلائل غير علم(ن) يرده=والناس احاديث(ن) مع الناس تنعد
ماقدروا هذا اسمان الاخده=وذكر الردى مع ابيض الاذكار مسود
وانا عقب شوف الوجيه المصده =قلت السلام لصاحبن مابعد صد
عن واجبه موج الدهر مايرده=ان لان عرجون الليالي واذا اشتد
في وقت ينقص فيه حفظ الموده =والناس يافوزان مابينهم ود

الموضوع الأصلي: موالفين الأشده | | الكاتب: باجد عبد الرحمن | | المصدر: شبكة بني عبس

[سيف المهيمزي]

عندما يطل علينا نجم وياتي بالابداع فهو النجم شاعرنا باجد عبدالرحمن
صح لسانك على هذه القصيده الجزله الذي لايكتبها الا شاعر مثلك وشرواك ايها المبدع في مفردات الجزله شكراً على ماتقدم من ابداع وتميز شكراً على حضورك الذي يشكل لنا الاعتزاز بك ايها الوافي
والى الامام لما يحبه الله ويرضاه

[كاتب الرشيدي]

شاعرنا المميز باجد

كل ماتطل اشراقة الشعر نجدها من عندك

شاعر بمعنى الكلمة

صح لسانك

وتستاهل الختم والتثبيت

[باجد عبد الرحمن]

سيف المهيمزي مرحبا فيك وبمرورك وبإشادتك الغالية من شخص اغلى

[باجد عبد الرحمن]

كاتب المشرف المتميز شهادتك شرف وافتخر فيها والله لايهينك على التثبيت

[بن هديبان]

يستاهل ابو حامد كل خير
شاعرنا المبدع باجد عبدالرحمن صح لسانك مبدع في مفرداتك الشعريه وهذا ماعهدناه منك
اعترف بأنني من اشد المعجبين في مفرداتك الرائعه
دمت بخير

[فضي البراك]

باجد عبدالرحمن

قصيدة عالية غالية ..

كتبت في شخص أعلى وأغلى ..

هو الشاعر فوزان ..

سلم بنانك وفكرك وماأملى ..

[محمد الراشد]

ماتنكشف لي قصـة امسـه وغـده

يالي توصـل حسنـة اليـوم للغـد

وافي وطولك وافـي الطـول قـده

قدك مقام(ن) معتلي وانـت لـه قـد

باجد ما اروعك
نص ملئ بالشعر والمرجله

فوزان يستاهل
وصح بدنك وكل عام وانت طيب قبل الزحمه