[الدكتوور]

السلام عليكم ورحمة الله وبركاته

هذه القصيده قالها الشاعر سويرح بن عريجه الرويضي الرشيدي
ذاكراً فيها مدح قبائل الاسلام وحكامها وما نالته هذه القبايل من مجد وشرف
في ظل الاسلام وشرعه ويفتخر الشاعر بقبيلته اللتي ينتسب إليها وهي بني رشيد
وتمجيدها وذكر أفعالها الماضيه وعدد أفخاذها .
ويقول الشاعر :



بديت بسم اللي حياتي كفيلها
وكفيل رزق الخلق والفلك دايره

الاجل والارزاق محداً دريبها
يا غير ربا عنه الأبصار حايره

منجي عباده من سعاير لهيبها
بيوماً عبوسٍ فيه الانظار طايره

نعوذ بالله من سعاير مليلها
بيوماً بها المخلوق تبلا سرايره

نعوذ به عن من لا تحاسب ضميرها
نؤمن إبربي والمقاسيم صايره

ليا كتب لنفسي شئ يجيلها
سوا نواها بشر ولا أبرايره

جميع نفسٍ غير تاكل نصيبها
بأمر الكريم الي بمكه شعايره

من بعد ذكر الله على الناس اعيدها
اذكر بها الأسلام ومدح قبائله

قبائلاً مدح الشرف يستويلها
قبائل الاسلام للمجد نايله

نبيها محمد والأسلام دينها
سبحان ربٍ نصرة الدين قايله

فيها رجالاً بالفعل محتمينها
اليا ثارت الفتنه وشبت حرايبه

كم سربتً بالحرب طشو زعيمها
ذخراً وفخراً برجال وحمايله

حكامها بالعدل ما به مثيلها
الشعب طايع والقوانين سايده

قبيلتي من ضمنها ولتجيلها
بني رشيد اللى بعبسٍ سلايله

ربعي على عسر الليالي ولينها
اذكر فعايلها وعدد بدايده

بــراك في وقت اللقاء ننتخيبها
خصيمهم بالكون تكثر خسائره

تسمع على ظهور الاصايل نهيمها
نهيم اسوداً منهم الخيل ذايره

أذيــبـتاً نهار الكون كلاً يهيبها
عدوهم يشكي الوزا من جبايره

تسمع على ظهور الاصايل صهيلها
صهيل حصناً خلم الدم سايله

جــــلادان تـعدم بالملاقا حريبها
يرجع عقب قوة الصطر في ثبايره

بالسيف تضرب ثم تنجي دخيلها
ليا كسروا جمعه وذبحة زمايله

رويضات في وقت اللقاء نعتزيبها
ياما حمو دق الطريش وجلايله

حمات الخلوج الي تكوسر عويلها
من ضربهم خيل المناعير نايره

مـهامزه حد المصقل دليلها
ضد الجموع اللي عن الدرب عايله

حريبهم جمعه سريعاً رحيلها
يبغى السلامه معذراً في زوايده

مـضابره بالشر تبرد غليلها
بقفشٍ يفج الضلوع بشعايله

ستر العذارى اللي جداها هميلها
وعز الرفيق اللي قليله محايله

فخذ الدواميك اللي عسى الله يجيرها
من شر بقعاء اللي على الروح حايله

أرجالاً ليا صاح الرشيدي يجيبها
يحمونه أبشلفاً للارواح زايله

عـوامره بشر ترجم عميلها
بالملح والبارود تذهب ذرايره

ليصار في بعض الامور يحبيلها
جنب عن الواقع وباتت دغايله

فخذ الوهادين الغنايم حصيلها
ضد الجموع ليا اصبح الصبح صايله

يخلون نفس المرءُ تفقد خليلها
عقب النصر والعز تبكي حلايله

فخذ القعابيب اللي دليهن حزينها
فخذاً عريبه والوفاء من خصايله

بالكون يحمون الوطن في شطيرها
سيوفاً تقد اللي عن الحق مايله

عيال الدعــيــج الي غزينا نغزيبها
رجالهم ما عاد ننسى فضايله

يوي فخذأ مانسينا جميلها
حماية العطفه بالأفعال هايله

فرادسه بالفعل ومعروف طيبها
افعالهم بالكون بانت دلايله

يخلون نفس المرءُ تلقى مصيرها
برماح شلفٍ للمعاليق شايله

زبون تذخر للمعادي صقيلها
عدوهم بالكون تكثر عثايره

من ضربهم يركب عميمها طميمها
عدوهم يشكي السقم من ملايله

شـوالعه راس العوالي مقيلها
الخير ياتون بنوادي بشايره

كم من ركايب قوم طشو عقيدها
راحت أقسوم للجماعه ذلايله

عجاونه وقت اللقاء ينعديبها
يخلون جمع القوم يغدي بصايره

عايضات محدٍ بالشجاعه يضيمها
المرجله يرقون عالي وسايله

جريشات عز اللي يجي يشتكيلها
بطيب والناموس تبرد غلايله

خيارات ضد العدا وترتكيلها ب
حدب السيوف المرهفه من صقايله

مكاحله عز الرفيق وقصيرها
كعام الرجال اللي على الموت غايره

عراعره بالكون يفلس خصيمها
ايديهم على كسب النواميس طايله

براقعه بالطيب تحمى شعيبها
رجالهم تدرى عواقب فعايله

مشاعله تدمر مساعي طليبها
قريبتاً للخير بشر كايده

أقولها في لابتاً ننتميلها
انشر على الصفحه افعول الرشايده

كم ذود مصلاحاً طو الله صميلها
من كف ربعي قطع الله عقايله

هذي فعايلهم وهذا دليلها
هرجاً صحيحاً ما تنقض صمايله

تم الكلام وسامحم بتختيمها
أزود وناقص على الله كمايله

وصلات ربي عد ذاري نسيمها
على نبيناً قام الفروض ونفايله



الدكتور

الموضوع الأصلي: أقولها في لابتاً ننتميلها %%% انشر على الصفحه افعول الرشايده | | الكاتب: الدكتوور | | المصدر: شبكة بني عبس

[هذيان]

.
.
صح السان الشاعر ولا تكفي
بني رشيد تستحق وأكثرر ..
تسلم يدك على الطرح شكرا لك ..

[ذرا عبس]

صح لسان الشاعر سويرح الرويضي علا قصيدته الجزله
ولاهنت يادكتوور على نقلك الرااقي