[جميل مساعد]

اليكم جديدي عسى أن يحوز على رضاكم ... النص بدون مقدمات :

غنيت يوم الفـرح زانـت دروبـه=وسعت صدري من همـوم الليالـي
ترى الجزا صاحبي نفس العقوبـه=والخير يفتح على الطاري مجالـي
والصدر فاحت من دلالـه عذوبـه=والقلب ينبض شعر لاضـاق بالـي
قـل للمشاعـر هـلا لا رحبوبـه=والـراس يبقـى عزيـزٍ بالعلالـي
والصاحب اللي كسا ثوبـه عيوبـه=ماعاد في صحبتـه عـز وجلالـي
أبعد وصرح عـن الرديـان توبـه=وأصدح بصوتك وجر الصوت عالي
الكذب حبلـه قـزم لوفـاز نوبـه=والصدق تكسب بعد قرب الرجالـي
والضعف يبقـى ردى لوشرعوبـه=وصيتي غـض طرفـك لا تبالـي
خل السوالـف ولاتصبـح عقوبـه=لاتصير ضيق ترى صدرك شمالي

شعر : جميل مساعد الرشيدي

الموضوع الأصلي: أصدح بصوتك ... جديدي | | الكاتب: جميل مساعد | | المصدر: شبكة بني عبس

[كاتب الرشيدي]

ارحب ياشاعرنا جميل مساعد

من طووووووووووووووووول الغيبات جاب الغنائم

صح اللسااااااااااانك

سعدنا بك

قـل للمشاعـر هـلا لا رحبوبـه

والـراس يبقـى عزيـزٍ بالعلالـي

والصاحب اللي كسا ثوبـه عيوبـه

ماعاد في صحبتـه عـز وجلالـي

أبعد وصرح عـن الرديـان توبـه

وأصدح بصوتك وجر الصوت عالي

الكذب حبلـه قـزم لوفـاز نوبـه

والصدق تكسب بعد قرب الرجالـي

[شاعر وصادق مشاعر]

قصيد جميلة
مشكور ع النقل
تقبل مروري