[ثاري الجلادي]

السلام عليكم ورحمة الله وبركاته
طاروق للشاعر المبدع زايد ابن عدله مع الشاعر نواف زاكي ومن رائي الشخصي انهااقوى محاوره لبن عدله وتفوق بها على خصمه بأنواع المقالب والتمريرات رغم قوة ومقدرة ابن زاكي الشعريه ولكن الشاعر كلاعب الكره احيان يبدع وااحيان اخرى يخفق و
اليكم المحاوره
====================================
زايد ابن عدله

مرحبا في محل متعبين الركاب=بأسم شيخً نهار الجد ماهو بسيط
ارحبي ياهجوسي واطرقي كل باب= مرّي اهل المناخ ومرّي اهل المخيط

نواف زاكي

البقا يالمرحب عد وبل السحاب=لاتردّى عزومك من محيط لمحيط
مدّ شوفك ورجلك للقمم لاتهاب=مايفيدك تجي وتعيد نفس الشريط

زايد ان عدله

في نهار اللقا بيديّ شلفا ذياب=الرسن في يدي ويديك منها فريط
يابن زاكي جبال الارض اهي والتراب=كلها فوق سطح الكون عنصر خليط

نواف زاكي

راعي الشلف يلقى السيف راع النصاب=هدّ نفسك مابيك تصير معنا عبيط
انتبه للخطا قدام يوم الحساب=تحسب انك ذكي والامر هذا بسيط

زايد ابن عدله

اربع سنين اجامل لين ضاع الكتاب=مير ابى اركي عليك النار حتى تشيط
لو نعلّم عبيده وش حصل للحباب= كان تسحب خيوط السالفه خيط خيط

نواف زاكي

انت توّك يابن عاتي صغير وشباب=خايف اجرك جرحً بالزمن مايخيط
كان عندك خبر هاته يامال الذهاب= مايراسل عبيده غير وجهً بليط

زايد ابن عدله

ماتنزل مقامي لو يشيب الغراب=مير خلك على هالوضع مالك نغيط
بين ضلعان حائل مثل ضوح السراب=كان هفيت يانواف هفّت مقيط

الموضوع الأصلي: الشاعر المبدع زايد ابن عدله في اقوى واشرس محاوراته مع الشاعر نواف زاكي | | الكاتب: ثاري الجلادي | | المصدر: شبكة بني عبس

[ابو على 2011]

مشكووور على هاذه الطواريق شعار جزلين
ومشكوور مره ثانيه

[زراق الاشهب]

يارجال ليتك احتفضت برائك لنفسك صاحبك يعلمه هذاك بالعلم وهو مدرهم ويكفي بيته اللي قاله مايراسل عبيده غير وجه بليط ترى بعض الاراء تنكب الشاعر المنقوله محاورته لان الناس يفتحون عيونهم زين ومايمرون مرور الكرام لكن بلغ صاحبك تحياتي وقله يقول زراق الاشهب حظ اوفر

[السيف القاطع]

وافين ما قصرتو

[ثاري الجلادي]

ابو علي 2011
مرورك شرفني
==========
السيف القاطع لاهنت على مرورك العطر
===============================
زراق الاشهب كل شخص له وجهة نظر واعتقد وجهت نظرك خانتك هذه المره

[صياف]

المحاورة . جميلة هاجس المحاورة . فيها مرونة كافية

افضل بيوتها هو البيت رقم 4 بيت مليان واعتقد انه صحيح . عكس مدى الفرق بين الشاعرين من ناحية الثقة والتكانه

البيت رقمم 6 اعتبره هفوة اعاد بيت الجميع يعرفه . ولكن الشاعر نواف قدم له نصيحة

هناك نقطه واحدة مهمه ولابد أنا نحاربها .

هو انك تحارب الشاعر من عدة محاور . قد تجاوز خمسة امور منها مهاجمت قبيلة الخصم على حسابه , وهذ محرم شرعا


اذا اردت كسب المحاورة امامك عدة نقاط احرص عليها .. الاخلاق . الحكمة .الصدق . والثقةو التركيز هذي من الناحية الشخصية

لكن من الناحية الفنية . النقض . اوالفتل . التركيز . واذا كانت البداية عنجك اختر بحرك وقافك


والكفة على حسب ماجا في هذا المحاورة فهي تميل لصالح نواف وبشكل كبير

[ثاري الجلادي]

صياف مرورك وتعليقك نوّر موضوعي
مشكور ياشاعر الخليج

[الونش]

مشكور على النقل ولي عوده لابداء رائي