[عبدالله عوجان]

يا قارئة لا تقرئي الفنجان=فنجاني أعرف منتهى اسراره
قالت: تمهّل لا تكن عجلان=وْفنجانك إسمع تالي اصداره
وْيوم إقلبت فنجاني المليان=من البلاوي قالت: الجارة
من عذّبتك وْخلّتك حيران=وأصبحت وسط الحزن وأسواره
تارة تضيق من أقرب العربان=وْتشفق على من عذّبك تارة
وْحلّ القهر والهمّ والأشجان=والضيقة اللي تسعد الحارة
يستبشرون بهمّك السكّان=وكلٍ يسوي افراح في داره
وْخصوصاً الأقراب والصدقان=كلٍ لجل موتك شعل ناره
يا قارئة ما صار صار وْكان=واللي جرى من الوقت واقداره
هل فيه شيّ الأن وقته حان؟=قالت:من اللي صار محتارة
ستة نساء جمّعهن الشيطان=ما فيهن اللي تحمل بْشارة
ما يحملنّ إلاّ هموم إنسان=مكّارةٍ ترضخ لمكّارة
هذا لأنّك شاعر وْلك شان=وْلأنّ مهنتك أصبحت شارة
وْقصايدك تزرع بهم شنآن=وكلٍ لغزوك شنّ له غارة
يا قارئة ما صار صار وْكان=واللي جرى من الوقت واقداره
هل فيه شيّ الأن وقته حان؟=قالت:من اللي صار محتارة
قلبك وأخذته منك غصن البان=وْراحت وراح العمر وأزهاره
وْصارت حكاية مالها عنوان=وإستأصلتها سْنين دوّارة
وْضاعت وضاع المغرم الولهان=وْلا دلّهتْه أسماء ولا سارة
والليل وبحور الشعر والجان=والعقل والتفكير وإصراره
ينادمونك طيلة الأزمان=من خلف سور الجرح وجداره
عشقك لعبقرْك أوجد التحنان=حتى أسفرت عنّه كم زيارة
مارد يحكمه خاتم سليمان=وْشاعر قصيده يسبر أغواره
يدخل بغبّاته بلا إستئذان=ويظفر بداناته ومحّاره
يا قارئة ما صار صار وْكان=واللي جرى من الوقت واقداره
هل فيه شيّ الأن وقته حان؟=قالت:من اللي صار محتارة
من يوم ما نجّمت حتى الأن=ما شفت بالعالم وبأمصاره
ما شفت مثل احزانك أيّ احزان=وْلا مثل هالفنجان وأضراره
يا قارئة ما صار صار وْكان=واللي جرى من الوقت واقداره
هل فيه شيّ الأن وقته حان؟=ودّك تقولينه ومحتارة
قالت: خلاص وْماذكر من شان=تحذر من الوقت وْمن امراره
يا قارئة مابه جديدٍ بان=جميع ما قلتي اعرف اخباره
ما قلتلك لا تقرئي الفنجان=تراي عارف منتهى اسراره

عبدالله عوجان

الموضوع الأصلي: (القارئة والفنجان) من نسج الخيال | | الكاتب: عبدالله عوجان | | المصدر: شبكة بني عبس

[رائد الذيابي]

يبقى الأحساس صوت العشق الذي يغني عن الكثير من الأحاديث
دائماً يقال : البعد أجمل .. من هنا كان لابد من حياة أخرى ..

البناخي : عبدالله بن عوجان

نص كفيل للرؤية البعيده التي يتورّد من الدخول للخروج
من نفس المكان ليتجدد بنا الشعر والحياة

[عايد2001]

صح السانك وبيض الله وجهك
جزله من جزل
كما عهدناك شاعر متجدد

[كاتب الرشيدي]

والليـل وبحـور الشعـر والـجـان

والـعـقـل والتفـكـيـر وإصـــراره

يـنـادمـونـك طـيـلــة الأزمـــــان

من خلف سـور الجـرح وجـداره

صح اللسانك يابو عوجان


شاعر يتحفنا بماهو جديد

من ارهف الأحساس لاجل المعاني

[حمود البراهيم]

هل فيه شيّ الأن وقتـه حـان؟ودّك تـقـولــيــنــه ومـــحـــتـــارة
قالت: خلاص وْماذكر مـن شـان تحـذر مـن الوقـت وْمــن امــراره
يـــا قـارئــة مـابــه جـديــدٍ بـــان جميـع مـا قلتـي اعـرف اخبـاره
مـا قلتـلـك لا تقـرئـي الفنـجـان تــراي عــارف منتـهـى اســراره
ماقـــــــــلت لك عبدلله العوجان يعرف مـــــــرض نفسه ومقداره


لله درك وضاقت عليك انت وين مطلب السحارات

يالبحر المنلحس ههههههههههههههههههههه

جزل ورؤيه بعيدة المدى شكراً شاعر الجن

[عبدالله عوجان]

اقتباس من مشاركة ![• رَائِدْ الذيَابِيْ •]! يبقى الأحساس صوت العشق الذي يغني عن الكثير من الأحاديث دائماً يقال : البعد أجمل .. من هنا كان لابد من حياة أخرى .. البناخي : عبدالله بن عوجان نص كفيل للرؤية البعيده التي يتورّد من الدخول للخروج من نفس المكان ليتجدد بنا الشعر والحياة

رائد الذيابي (فلسفة ذهن)
تبقى الأول دائماً في متصفحي المتواضع

لقد شرفتني بتواجدك وبتذوقك

آن لي ان اقول لك (شكراً جزيلا) رغم انها لاتكفي

تحيتي وتقديري لك

[برق الوسم]

عبدالله العوجان
دائماً متابعين ومتشوقين لماهو جديد لك ..
صح لسانك وكعادتك مبدع ..
لاهنت ابو عوجان .. وتحياتي لك

[عبدالله عوجان]

اقتباس من مشاركة عايد2001 صح السانك وبيض الله وجهك جزله من جزل كما عهدناك شاعر متجدد

عايد 2001

صح بدنك


متألق دائما

شكرا لك