[اخوصلــــفه]

قالوا تحبه قلت انا فيه مفتون=وشلون مااحبه وانا ميت فيه
قالوا جميل وقلت لوكان تدرون=من هامته يالين حتى مواطيه
قالوا شبيهه قلت مافيه بالكون=ياغير بدر عشر واربع لياليه
قالوا جديله قلت كالليل بسكون=اسود ولابه نور بدر يضويه
قالوا جبينه قلت براق المزون=باول حلول الوسم والبدو تتنيه
قالوا عيونه قلت لاسلهم طعون=رمح رماه اللي موثق مراميه
قالوا شفاته قلت تكفون تكفون=خط حمر لاعاد احد يعديه
قالوا غلاه وقلت بالقلب مدفون=يفز قلبي يوم يسمع بطاريه
قالوا طرالك قلت وان كان توحون=بعده دهر قلبي وذكراه تحييه
قالوا ذبحك وقلت بالهون بالهون=يازين ذبح اللي من الناس تغليه
قالوا نزية وقلت دين ومصيون=ماداج بالحله وكثرت خطاويه
قالوا جفاك وقلت ماخيب ضنون=طبع الوفاء طبعه وقمة مباديه
قالوا تسمع قلت مهما تقولون=كفوا وعفوا بايع الناس واشريه

الموضوع الأصلي: قالوا وقلت | | الكاتب: اخوصلــــفه | | المصدر: شبكة بني عبس

[اسير الصمت]

صح لسانك

قصيده جزله

[اخوصلــــفه]

صح بدنك يااسير الصمت والجزل راسك ياللغالي لاهنت على مرورك

[بندر صالح]

صح لسانك

قصيده رائع و أبيات جميله

سلمت على هذا الاحساس الراقي

دمت بهذا الرقي

و دمت بحفظ الرحمن

[أمير الرومنسيه]

اخو صلفه
صح لسانك وبيض الله وجهك
يعطيك العافيه
ودمت للتميز عنوان
وتقبل ودي قبل ردي.

[مسندالعويمري]

اخو صلفه

صح السانك قصيده تعانق الابداع لتكتمل الدرر

[أسايرها تعاندني]

:::::: أخو صلفة :::::::
صح للسانك على هالجزالة ووصف قمة بالجمال

[اخوصلــــفه]

اقتباس من مشاركة بندر صالح صح لسانك قصيده رائع و أبيات جميله سلمت على هذا الاحساس الراقي دمت بهذا الرقي و دمت بحفظ الرحمن

صح بدنك يابندر بن صالح والرائع مرورك الله لايهينك ياغالي