[مشعل الخياري]

مطلق بن حميد الثبيتي مع خلف بن هذال العتيبي





مـــــــطـــــــلـــ ـــــق
ودي احمل بعير النـاس حملـه والوساقـه*****قبل ابن هذال لايبني علـى الاصنـام قبـه
بل راسه لين في راسـه تعلمنـا الحلاقـه*****واحـدٍ ماهـوب داري نمدحـه ولانسـبـه





خـــــــــــلـــــــ ــــف
انت ودك بس ماتقـدر لهـا مافيـك طاقـه*****الجمل من دونه الجمال يسعى تحـت ربـه
ابك انا مانيب يامطلـق لكـم قطـاع ساقـه*****كل جرح ٍ عندنا طبه وعنـدك ويـش طبـه





مـــــــطـــــــلـــ ـــــق
جيت اروز الظبي وليا ان الظبي ياخف ساقه*****قرنه اعوج مير ساقه يالعتيبـي فيـه صبـه
والله انك ماتحصل لك مع الظلـع انطراقـه*****ريعنا مسدود والجمر الحمر قدمـك نشبـه





خـــــــــــلـــــــ ــــف
الظبي لا طاح جيد وراضعٍ من ديـس ناقـه*****بالمخادع والحياله يدخلك في جـوف عبـه
ريعكم مفتوح والسارق يـدور لـه سراقـه*****وان عطيت البحر اعدلبك على عشرين غبه





مـــــــطـــــــلـــ ـــــق
ياخلـف عـدل رفيقـك لاتغلطـه الحماقـه*****درسه كتب البخاري لين يعرف ديـن ربـه
انفتح في جذركم يااصحابنا عشريـن طاقـه*****لاتقولـون الهبايـب فـي وطنـا ماتهـبـه





خـــــــــــلـــــــ ــــف
كيف اعدل عود محني له مقاضيب ٍ دقاقـه*****وصّل اصله من غصونه نقطة ٍ سوداء وحبه
بيتنا محفوظ مانرمي على سطحـه علاقـه*****محتمينه بـام خمـس ويشهـد الله ماتطبـه





مـــــــطـــــــلـــ ـــــق
واحدٍ عيـا يفارقنـي وانـا باغـي فراقـه*****كيف ابا اشريله عباه وبشت وثيـاب وجبـه
العراقي مايعيش بخيـر لا فـارق عراقـه*****مير وده في بلاده واكرهـه مثلـي وحبـه





خـــــــــــلـــــــ ــــف
كان في جيبك فلوس وتعشق الفزعه عشاقـه*****لبسه من لبسك اللي تلبسـه واحـذر تسبـه
صدر مطلق خابره ضيق واضيق له خناقـه*****قاظبه قظب العمى شاته مااكبه كيـف اكبـه





مـــــــطـــــــلـــ ـــــق
جيت ابا اداوي الجروح ولالكم فالطب فاقـه*****لو اخيط الجرح فيكم ينفتح من عقـب غبـه
لو حمست البن فالمحماس دوخنـي حراقـه*****كل بـن ٍ ينحـرق عنـد النشامـا مانصبـه





خـــــــــــلـــــــ ــــف
الجروح الها على الجراح لفته واصطفاقـه*****ياطبيب القوم جبت الاكسجيـن بـدون دبـه
روح التكسي على فاله ومطلق مـن غلاقـه*****من ثقل مطلق علاه يطـب ماحـس بمطبـه

الموضوع الأصلي: محاورة مطلق الثبيتي وخلف بن هذال | | الكاتب: مشعل الخياري | | المصدر: شبكة بني عبس

[ناصر الخياري]

لاهنت يابو دخيل .
صح لسان الشعرااء ..
الله يرحم الثبيتي وطول عمر الشاعر الكبير خلف ابن هذال ..

[مشعل الخياري]

الله يسلمك

ولاهنت علي هالمرووور