[سالم الرشيدي]

ياشينها لا صرت معجـب و خجـلان
خوف المصـارح لا يجيـب المطمّـه

اخاف اصـارح بالغـلا ذاك الإنسـان
و ينقلـب جـوو المصـارح مـذمّـه

ويا شينها لا صرت مغرم و زعـلان
محد ٍ يراضـي قلبـك و محـدً يلمـه

وان رحت محد ٍ قال لك:وين يافـلان؟
روحتك مع جيّتـك .. ماهـي مهمّـه

ويا شينها لا صرت عايـش بحرمـان
مثـل اليتيـم اللـي فقـد شوفـة أمّـه

ماخوذ حقّه وانظلـم شـوف الأعيـان
.واللي اظلموه عيـال لحمـه و دمّـه

ويا شيـن صاحبـك لاصـار ثعبـان
لا هو تركك و لا نفـث فيـك سمّـه

كنّـا خويّـا وانتسـمّـى بـالأخـوان
واليوم أسمـه بأخبـث النـاس سمّـه

ويا شينها لا صرت ناجـح و ندمـان
وصلت قمّـه وغيـرك بأعـلاا قمّـه

مثل الإمـام ..العالـم بفقْـه الأديـان
يومه نجح .. والكـل صـاروا أأمّـه

ويا شينها لا صـرت تايـه وحيـران
وسط الطريق .. و باقي ٍ فيـك همّـه

ودّك ترووح .. وآخر الدرب ما بـان
تخاف تمشـي .. ثـم تغشـاك غمّـه

ويا شينها لا صـرت مبلـي ومنهـان
والعلـم كلّـه .. مـن اكاذيـب نمّـه

ما فيـه ضـدّك لا دلايـل وبرهـاان
ودخّـان نـارك مستحيـل ٍ تشـمّـه

ويا شينها لا صرت من روس الاعيان
ثم تنقلـب فـي نظـرة النـاس رمّـه

ويلااااه يا وقت ٍ نوى لـي بعصيـااان
أثر الزمن يـا نـاس مـا فيـه ذمّـه

ويا شين طرد المقفْي لو كنـت ولهـان
ياخـذه شيطـان الغـرور و يخـمّـه

يظـن انّـك هايـم ٍ بـه وشفـقـااان
ما يدري انّه لو فطـس ... مـا تهمّـه

الخلْق سجن وصاحبـك فيـه سجّـان
والعلم خال العـز .... والجـود عمّـه

ويا شينها .. أصلا بقى شي ما شان ..؟
هـذي الليـالـي طبعـهـا مدلهـمّـه

الشيـن والله شيـن غاليـن الأثمـاان
لا قـام كـل ٍ رافـع ٍ فـوق فـمّـه

ويا زينها لا صرت لاهـي و طربـان
وحبـل القصايـد يرتجيـك و تلـمّـه

يا ليل دانه .. ليل دانـه .. لا لا .. دان
ما فيه ثـوب ٍ يستـر أطـراف كمّـه

يا زينها لا صرت معجـب و خرمـان
تنثـر علومـك لـو تجيـب المطمّـه

مـــما رااااق لي 0

الموضوع الأصلي: يــــــا شـــــينها لاصــــــرت معــــجب وخــــــــجلاااان ؟؟؟ | | الكاتب: سالم الرشيدي | | المصدر: شبكة بني عبس

[رشيديه و أفتخر*]

صح السسان شاعرها
ولاهنت على النقل الراائع .

[سعد عبدالله]

صح لسانكـ ياخجول ^_^
قصيده راقيه
ونتقاء جميل
سلمت يمينكـ

[سالم الرشيدي]

رشيديه وافتخر
تسلمين على حضـور الذوق ولاهنتي
مجـأزف الشويلعي
امممم
تسلم يالغ ـلأأ وعلى حضورك الاروع
ولاهنت

[الـرونـق]

صح لسان شاعرها

تسلم يا سالم على النقل الذوووق

والله يعطيك العافيه

[فهيد الشويلعي]

صح السسسانك يامعجب
ولاهنت على النقل الراائع

[الوافي المهيمزي]

... ....الله عليـــكٌ روووووووووعه ......

يسلمووآهآلانآملُ....بآآنتظآآر جًدٌيديُك.......


....... آلوٌآفٌيٌ ........

[الكريمه]

الله الله صح السان شاعرها ونقلهااااااااااااااااااا
مشكوووووور والله يعطيك الف عافيه