[سالم الرشيدي]

للـشآعـر آلمبدع / عآدل آلظفيري ( وريث آلجرح ) . .

هذه آلقصيده مهدآه إلي ذكريآت آلطفوله و صديقـه أحمد سيآر . .

آتمنـى أن ترتقـي لذآئقتكـم . .







الله كم ضاقت علي لحظة تنهدت وبكيت
في مهمهية غربتي يائس ولاحولي بشر
وحيد أداري عبرتي لامن تذكرت الكويت
كم صاحبٍ كفته بإيدي ودفنته بالقبر
ياكثر ماكنت أعتقد بإني نسيت ولانسيت
لاجتني الذكرى بمنامي أصغر جروحي كبر
يا ديرةٍ حبيتها وتجاهلتني وإنكويت
رغم الظلام اللي لقت عيني بها كانت قمر
صعب آتناساها وأنا داخل شوارعها ربيت
لو هي تناستني بقى فيني وفا طول العمر
الله يأحمد لو بها قلبٍ بكت لحظة مشيت
ودعتها وروحي بها وراح الجسد صوب الحفر
عشرين عام اللي مضت ياليتني فيها دريت
ضاعت ولاأدري من بنا أكثر من الثاني خسر
كنت البدون اللي إنظلم منها ولكن ما شكيت !
قلت أمنا بكره تحس .. وتفرج لنا بعد الصبر
حتى كبر ضياعنا وأصبح أملنا دون بيت
يعني الرحيل المنتظر لآخر مدى مد النظر
تدري يآبو محسن كذا من يومها الشعر إبتديت
ما كنت أنا وارث شعر لكن توارثته قهر
مبطي الفرح في داخلي طفلٍ تغني بالكويت
حاضن صور جابر وفا حتى بكت له هالصور

الموضوع الأصلي: حاضن صور جابر وفا حتى بكت له هالصور ! | | الكاتب: سالم الرشيدي | | المصدر: شبكة بني عبس

[رشيديه و أفتخر*]

صح الساان شاعرها

وتسسلم ع النقل .

[سالم الرشيدي]

الله يسلمج
تسلمين على حضـورك ولاهنتـي

[الـرونـق]

حاضن صور جابر وفا حتى بكت له هالصور
الله يكون بعونهم

والله يرحم أمير القلوب ويسكنه فسيح جناته

مشكور سالم على النقل

والله يعطيك العافيه

[فهيد الشويلعي]

ياكثر ماكنت أعتقد بإني نسيت ولانسيت
لاجتني الذكرى بمنامي أصغر جروحي كبر
يا ديرةٍ حبيتها وتجاهلتني وإنكويت



الله يعزك يكويت
لاهنت ابوفضي

[هــــــــيبه]

صح لسان شاعرها
ولاهنت على النقل ،،

؛

؛

[الرشـ بنت ـايده]

الله يرحمه امير قلوبنا ويسكنه الجنة ,’,’,

شكـــرا اخوي ولا هنت على القصيدة ,’,’,