[ابو بيان]

ياكثر شرهاتي عليـك انـت بالـذات
والا علـى غيـرك تراهـا قليـلـه

تعبت اجي بسكـات واروح بسكـات
ساكـت وانـا مــتـــنـي حمولـه ثقيلـه

مرات احس انـي لحالـي ومـرات
احـس مسنـود ٍ بجـيـش وقبيـلـه

عشت بمتاهـه غيـر كـل المتاهـات
كانـت مفيـده بـس ماهـي جميلـه

عرفت منها كيـف طعـم الخيانـات
وشلون ترخصـك النفـوس الذليلـه

خسرت لاوالله فدتـك الخسـارات
ياغـلا مـن الدنياء بعينـن بخيـلـه

ماقلت لـك قصـة بعيـد المسافـات
اللـي معـه بشتـه وسيفـه وخيلـه

ضحى بهم منشـان سـود ٍ وسيعـات
الله يعيـن اللـي مـفـارق خليـلـه

جيتك اشيل من التعـب كثـر مافـات
طرقي وهـدت سـود الايـام حيلـه

خذني من ايديـن الحـزن للمسـرات
ليله معـك عـن الـف ليلـه وليلـه

صوتك لحاله غير عن كل الاصـوات
وش غير ؟ حتى الغير ماهـو مثيلـه

غير انت وصوتك غير والشوق مامات
وتلومنـي لاجيـت قلـبـي اشيـلـه

دايم ترى اهـل القلـوب الحزينـات
تنشد عن الغالي وتجـي تشتكـي لـه

علاقتـي ويـاك غيـر العـلاقـات
لـو كـان ماهـي ياحبيبـي طويلـه

اشره على الغالي عليك انت بالـذات
والا الرخيص رخيص ماني بجي لـه

للشاعر ثامر شبيب

الموضوع الأصلي: ياكثر شرهآآتي عليك آنت بـ الذآت.. | | الكاتب: ابو بيان | | المصدر: شبكة بني عبس

[المر العذب]

رائع أبو شبيب ..

والأروع نقلك ..

[الاجهر]

تسلم اخي ابو بيان
وصح السان الشاعر ثامر شبيب

[نــهــى]

يسلموووو روعــه..
دائمـآ ابو شبيب متألق ومتميز..

[مروان الرشيدي]

يكفي أنك متألق أيها الشاعر الفذ




شكرآ على الطرح الراقي

[(( الماســـة ))]

الله الله على ثامر

صح لسانه

لاهنت على القصيدة

[$ اغلى الناس $]

صح الله لساانك وعز الله شاانك

ولاهنت يالغلا
تسلم يمين ناقلها

[محمد الراشد]

ثامر شاعر من نوع فريد
شكرا ابو بيان