[يجيني طاريك]

السلام عليكم ورحمة الله وبركاته:ــ
أسعد الله أوقاتكم بكل خير
أشتقت اليكم وحبيت أعانقكــم بهذه القصيدة الجديدة الي أتمنى أن تنال أعجــابكم

حطت مراكيب الهجوس وساحة المرسى مضيق=ربانهاماهو بصاحي والرياح تلوفها
رغم أصطفاق الموج ورياحه على نفس الطريق=ماحدها تيار مد ولا جزر رغم الظروف اللي تحد سيوفها
كلمت قايدها بما يليق وماغلطت بما يليق=وارست على شط الفكر والبال واحد من كبار ضيوفها
وقامت تحط أركابها والناس في نوم عميق=وأنا بثلث الليل والبارح عيوني كم تحلوت للمنام وشوفها
سلام ياصلف الهجوس اللي لبالي والفكر دايم تويق=ماعاد باقي شي للسجات تكفى لاتقربنا حدود اوصوفها
بيني وبين الضحكه اللي من حلاها يرتوي زهر الرحيق=سبعن عجاف وذيب صلفات الزمان يحوفها
لاجيت أبوصفها مثل مالاح بالمنشاء بريق=والليل من فوق النحر شلال نازل لين تحت ردوفها
والخصر مثل الأس تقريبا وحرف الاس اقرب شي للوصف الدقيق=العنق نافر والغصن رويان لا لين ولاقاسي مثل مااشوفها
ياطول ليلي والسوالف بيني وبينه توجد شوق معشوق وعشيق=في ضحكنا ونة حفوقن متعبه موال شاعر والضلوع صفوفها
وقبل شروق الشمس هاجوسي يودعني ودمع العين في دمه غريق=واغصان قلبي فوقه الورقى تغنى والدهور اللي تدف دفوفها
بس المكان اللي صدفته فيه ماغيره يوسع خاطري عن كل ضيق=اكحل حمار الشوق بعيوني عليها كل مالاحت وجتني طيوفها
وارجع وروتيني كذا ربعي همومي من صديق ومن رفيق=وصلف الهجوس اللي بدنيا عالمي يشب ناره لين يحرق جوفها
خلاص يكفي ياهجوسي ارجعي مافيه مرسى حولنا كله مضيق=قبل تهب الريح بالامواج والتيار يقضي على ملهوفها

وسلامتكــــــم,,,
بقلـــمــ يجيني طــاريك ــمــي

الموضوع الأصلي: صــلف الهجـوس جــديدي لكم | | الكاتب: يجيني طاريك | | المصدر: شبكة بني عبس

[محمد الراشد]

حطـت مراكيـب الهـجـوس وسـاحـة المـرسـى مضـيـق

ربانـهـامـاهـو بـصـاحــي والــريــاح تـلـوفـهـا

رغـم أصطفـاق المـوج ورياحـه علـى نـفـس الطـريـق

ماحدها تيار مد ولا جزر رغـم الظـروف اللـي تحـد سيوفهـا

ياعيني عليك
بحر طويل
مفردات جميله
كثافه بالصور


تحياتي لك يالمبدع

[يجيني طاريك]

محمد الراشد
الابداع مرورك الذي اسعدني
تقبل شكري لك

[العووضي]

والخصر مثل الأس تقريبا وحرف الاس اقرب شي للوصف الدقيق

العنق نافر والغصن رويان لا ليـن ولاقاسـي مثـل مااشوفهـا

يجيني طاريك وصف دقيق من شاعر يكتبب بمدد من ذهب اتشوق دوما لجديدك واتمني المزيد

[ابو بيان]

صح اللسانك وفقك الله وتقبل مرووري اخوك ابو بيان

[برق الوسم]

يجيني طاريك
قصيده رائعه ..
صح لسانك اخوي ... لاهنت
تقبل خالص الود والتقدير

[مذكر الرشيدي]

قصيده رائعه

وصح الله لسانك

والله يبيض وجهك

[يجيني طاريك]

الاخ /العوضي
تشوقت لمرورك واسعدني أعجابك
جديدي قريب وسيكون أهداء لمنتدى الشعر الشعبي عامه ولك خاصه
انتظر جديدي
تقبل اجمل باقة ورودي قبل ردودي
لك كل التحايا والتقدير