[سعد بن عادي]

قصيده منقوله لا أعلم شاعرها ولكن اعجبتني واتمنا تنال اعجابكم ..

مـن بعـد مـا كنـا نسـافـر عـلـى أبـهـا
----------------------- وننسى الوظيفة لقبل الحـر والصيـف

نـنـصـى الـبــراد وتـاركـيـنٍ تـعـبـهـا
----------------------- والرزق بأمر مصرف الكون تصريف

يـرش مــن صـافـي مـزونـه عربـهـا
----------------------- ويسقـي غصـونٍ ممحـلات مناشـيـف

لا جـيــت لـلـسـودة أولـــع حـطـبـهـا
----------------------- والدلـة الصفـراء بهـا الهيـل والكيـف

مقـابـلـيـن الــنــار مــحـــلا لـهـبـهــا
----------------------- والمـزح مـا بيـن الربـع والسوالـيـف

نكشت على الضلعان نفـرش عشبهـا
----------------------- فــي ديــرةٍ أميـرهـا (دايــم السـيـف)

طـاوعــت مـقــرودٍ حـيـاتــي قـلـبـهـا
----------------------- ودخلت غبّه وأنا خايـف مـن السيـف

قـال انـت مـن جدك تصيـف بأبـهـا
----------------------- الـشـام عـنـدك جـوهـا دايــم مـريــف

واذا حصـلـك خـوخـهـا مـــع عنـبـهـا
----------------------- أقطـف وتنـس عيشـة النخـل والليـف

سـافـرت يـــم الـشــام ربـــي كتـبـهـا
----------------------- سكنـت ببلـودان وانـزل علـى الريـف

قابـلـت مــن قلـبـي وروحــي نهـبـهـا
----------------------- ريــان عــوده لا سمـيـنٍ ولا نحـيـف

خـيـام حـبـة فـــي خـفـوقـي نصـبـهـا
----------------------- ثـبـت اطنـابـه بالضـلـوع المعاطـيـف

لا قـال(تـأبـرنـي) حـيـاتــي سـلـبـهــا
----------------------- غـديـت قطـنـة فــي يـديـن النـداديـف

وسّطـت شـايـب مــن أهلـهـا خطبـهـا
----------------------- والمهـر شقـة غـيـر بـاقـي التكالـيـف

صـارت حيـاتـي بـيـن ودهــا وجبـهـا
----------------------- والـداخـلــيــة نـتـفـتـنــي تـنـاتــيــف

وحـمـاتـي الـلــي قـطــع الله نسـبـهـا
----------------------- موقفـتـلـي فـــي دروبـــي مـواقـيــف

يـاكـثـر مـــا تـفـتـل عـلـيـه شـنـبـهـا
----------------------- وياكثـر مـا تطلـب علـي المصـاريـف

خطفـت عينـي بصبـعـي مــن سببـهـا
----------------------- يالشـام توبـه مالـفـى يـمـك الضـيـف

بنـت الجـزيـرة لاحصـلـت لا تعقبـهـا
----------------------- فـي ملحهـا فاقـت جمـيـع التواصـيـف

بـنــتٍ تعـجـبـك اشـهـدانـك تعجـبـهـا
----------------------- تـرى الكريمـة مــا عليـهـا تحاسـيـف

يكفـيـك مــن هـــذا عـريــبٍ نسـبـهـا
----------------------- صافي ذهـب ماخالـط القـش والزيـف

وختامهـا لا جيـت أسافـر علـى أبـهـا
----------------------- ماحسد أهـل لنـدن وباريس و جنيف

الموضوع الأصلي: لا قـال(تـأبـرنـي) حـيـاتــي سـلـبـهــا | | الكاتب: سعد بن عادي | | المصدر: شبكة بني عبس

[بندر الذيابي]

شكل الرجال انصدم يابو عادي



الله يعطيك العافيه


نقل موفق ورائع

[سعد بن عادي]

هههههههههههههههه


أبو عوض ... مب انصدم وبس الا توهق

مافيه مثل وطني الحبيب ههههههههههههههههه
لا هنت بندر على مرورك تسلم والله