[وسام عبس]

لا يا ( حبيبي) .. الزمن لا يخليك
تقسى على قلبي وتسقيه سِمِّك !


[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !


ما هي غريبه من يذمِّك يماشيك
لكن غريبـــه يمدحك من يذمِّك !!


ما كل واحد غاب معناه ناسيك
بعض البشر ينساك لو كان يمِّك !


أدري تعزني .. اللـه يعز غاليك
وإن كان لـي عندك معزَّه بضمك !


في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !


إسمك حبيبي ويا كثِرها أساميك
وقلبي يفز .. لا جابوا الناس إسمك !


ليتك تحس في ضيقتي يوم أحاتيك
أحرق لك أعصابي .. وما حَس دمِّك !


غايب بدون أعذار .. ربِّي يجازيك
عطني سبب مُقنع حبيبي .. وألمكّ !


همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !


[ لبيــه ] منِّك غير .. لمَّا أناديك
كن الكلام العَذب ... مرساه فمِّك !


مهما غلوك قلوب ناسٍ حوالــــيك
أغليك أكثر منِّهُم بس .. لعلمك !


أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !




شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك

الموضوع الأصلي: تَعَبت أشيـل الهَم عنّك وأداريك ....وإنتَ همومـي ثقلَهَــا مـا يهمِّك ! | | الكاتب: وسام عبس | | المصدر: شبكة بني عبس

[رابح الزبني]

قصيده الرايعه يعطيك العافيه

[مذكر الرشيدي]

وسام عبس مشرفنا الرائع

الله على النقل المبدع والرائع لا هنت مشكور وكلك ذوق



ما هي غريبه من يذمِّك يماشيك
لكن غريبـــه يمدحك من يذمِّك !!

[نوماس5]

صح لساااااااااانكـ يسلمؤؤ علي النقل المميز يا الغلااا.

[العاصميn]

وربي قصيده. لايعلى عليها..!

.

قمة الذؤؤؤق..!
.
سلمت انمـآلك ياغلاهـم..!
.

لـ.روحك..!