[محمد العتـيبي]

تهمني ارائكم ,,
قصيدة في خاطري موجهة لابن عمي ( ابو غصن ) وتهمني ارائكم فيها ..

بلغه باني نسيته وصّل العلم الاكيد ... بلغه يابو غصن وادمح طموحه بالرياح
بلغه يابو غصن وامسح دِموعه دون قيد ... واضربه ضربة محبة واجرحه باحلى الجراح
بلغه باني نطرته لكن اشوفه سعيد ... جعل من يحزِنه للدمعه ومايلقا لقاح
مانفعني في كلامه ثم جرحني بالوعيد ... واستمرت دمعتي واعلنت فالنفس الكفاح
قول له باني حديد ووقفتي وقفة حديد ... ماقبلت انهان في دنياي من زرق الرماح
وان تبع غاية هواه وجنّب الدرب السديد ... واستراح امن الهموم ولا يفكر بالصياح
جعل عينه ماتذوق الحزن يفداه البليد ... يابعد عيني وعيني قد طعنات السلاح
واقف وصامد رغم مشكاي لله ليل عيد ... والفرح ماشافته عيني ولا القلب استراح
بلغه لمسة يديني كان مايقدر يهيد ... واسمعه لين العيون تهل ويهيم الجناح
علمه باني لمست العز بالثوب الجديد ... ثوبي اللي مانطلته واطلب الخالق سماح
وارفع الكفين لله واطلب الخير المزيد ... واطلبه حسن الثبات وطالبه لبس الوشاح
الوشاح اللي يعز الناس في الوقت الزهيد ... مايعَرفه غير طلاب الامل ليل وصباح

الموضوع الأصلي: مانفعني في كلامه ثم جرحني بالوعيد ... واستمرت دمعتي واعلنت فالنفس الكفاح | | الكاتب: محمد العتـيبي | | المصدر: شبكة بني عبس

[العازف]

بلغه باني نطرته لكن اشوفه سعيد ... جعل من يحزِنه للدمعه ومايلقا لقاح
مانفعني في كلامه ثم جرحني بالوعيد ... واستمرت دمعتي واعلنت فالنفس الكفاح
قول له باني حديد ووقفتي وقفة حديد ... ماقبلت انهان في دنياي من زرق الرماح


صح لسانك
تحياتي
تقبل مررروري

[محمد العتـيبي]

يعطيك العافية ع مرورك , وبانتظار انتقادات الشعراء الكبار ..

[محمد الراشد]

وارفع الكفين لله واطلب الخير المزيد ... واطلبه حسن الثبات وطالبه لبس الوشاح
الوشاح اللي يعز الناس في الوقت الزهيد ... مايعَرفه غير طلاب الامل ليل وصباح

قصيده جزله وصح كلك

[محمد العتـيبي]

صح بدنك وحياااك الله ..