[الشاطئ المهجور]

يا حاضن البعد .. والفرقا مربيتك
مشوارك بعيد .. ماتوصلك خطواتي
لو أقدر اشاهدك لحظة زمن .. جيتك
أنثر لك الشوق .. ورد يلملم شتاتي
صدقني اني .. من الاعماق حبيتك
من كل قلبي .. ومن روحي .. ومن ذاتي
لو كنت ما احبك .. اهملتك وخليتك
ماشفتني في غيابك .. قاعد احاتي
وأنا أدري أني .. مامريتك وهميتك
ماشلت همّي .. ولا همك علاقاتي
مع كل هذا .. وانا ساكت ولا اطريتك
مع انك اكبر .. حدث يشغل مساحاتي
النبض شاريك .. والانفاس شاريتك
والشعر واصدق قلم .. والبوح وأبياتي
نشفت دم الغياب .. وماتناسيتك
لازلت بالذاكره .. واسأل كتاباتي
يا ليتك تحس باحساسي معك .. ليتك
تفقدني أيام .. وتجرب معاناتي
تشتاق لي حيل .. وانا ماتحريتك
تموت فيني .. وتحيى في ملاقاتي
وانا ولا ادري عن .. ابكاك وتناهيتك
لاأول طموحاتي .. ولاآخر طموحاتي
وان مر طاريك راح .. وماتفدّيتك
له أتجاهاته .. ولي اتجاهاتي
احساس تنهار منّه .. جلّ عافيتك
تبي دليل .. انظر عيوني ونظراتي
تدري وش امنيتي .. أمرّ ناحيتك
صدفه .. على شان بس .. ألملم شتاتي
واصد وأقول في نفسي .. ماهو بيتك
هالقلب قلبي .. وهالنبضات نبضاتي

الموضوع الأصلي: تدري وش امنيتي | | الكاتب: الشاطئ المهجور | | المصدر: شبكة بني عبس

[راسبه بالحب]

صح السان شاعرها روعه الابيات ..


تدري وش امنيتي .. أمرّ ناحيتك
صدفه .. على شان بس .. ألملم شتاتي
واصد وأقول في نفسي .. ماهو بيتك
هالقلب قلبي .. وهالنبضات نبضاتي

لاهنت ع النقل المميز ..

[ذابحه النوم]

مشكور على النقل

[سيوف بني عبس]

قصيده رائعه صح لسان شاعرها
ولاهنت ع نقل

[سحايب]

صح الله الســان شاعرها
قصيده رائعه استمتعنا
بمفرداتها لاهنت.............

[ابوصالح لرشيدي]

وانا ولا ادري عن .. ابكاك وتناهيتك=لاأول طموحاتي .. ولاآخر طموحاتي
وان مر طاريك راح .. وماتفدّيتك=له أتجاهاته .. ولي اتجاهاتي
احساس تنهار منّه .. جلّ عافيتك=تبي دليل .. انظر عيوني ونظراتي
تدري وش امنيتي .. أمرّ ناحيتك=صدفه .. على شان بس .. ألملم شتاتي
واصد وأقول في نفسي .. ماهو بيتك=هالقلب قلبي .. وهالنبضات نبضاتي

الابيات هذي في قمه الرووعه ..
ودليل على اختيارك المميز ..
صح السان شاعرها وتسلم يد ناقله ..
وتحياتي لك يالشاطي المهجور..

[ابو على 2011]

قصيده متميزه وقمة البداع ذوقك الراقي
وتشكر عليها ياشاطي المهجور
وتقبل تحياتي

[الشاطئ المهجور]

شاكر مرور الجميع

تحيتي لكم